दरसनन के बातँय 2:14 - Bagheli Bible

¹⁴ पय हमहीं तोंहरे बिरोध माहीं कुछ बातँय कहँइ क हय, काहेकि तोंहरे इहाँ कुछ अइसन हें, जउन बिलाम के सिच्छा काहीं मानत हें, जउन बालाक राजा काहीं, इजराइलिअन के आँगे ठोकर के कारन रक्खँय सिखाइस, कि ऊँ पंचे मूरतिन के ऊपर चढ़ाई चीजन काहीं खाँय, अउर ब्यभिचार करँय।

दरसनन के बातँय 2:14 ပူးပေါင်းရင်းမြစ်များ

मत्ती 18:7

“काहेकि मनइन के जीबन म पाप माहीं गिरँय के मोका त जरूर अइहँय, पय जउन मनई दुसरे मनइन काहीं पाप माहीं गिराबत हें, त उनहीं परमातिमा से खुब सजा मिली।

खास चेलन 15:29

कि तूँ पंचे मूरतिन माहीं चढ़ाए खाना से, अउर नेटई काटिके मारे गे पसुअन के माँस काहीं खाँय से, अउर ब्यभिचार से बचे रहा, त तोंहार पंचन के भला होई”। अउर तूँ पंचे नीके कुसल रहा।

खास चेलन 21:25

पय गैरयहूदी लोगन के बारे माहीं जउन प्रभू के ऊपर बिसुआस किहिन हीं, हम पंचे इआ निरनय कइके उनहीं चिट्ठी लिखिके पठयन हय, कि ऊँ पंचे मूरतिन के आँगे बली कीन माँस खाँय से, अउर खून से, नेटई काटे पसुअन के माँस खाँय से, अउर ब्यभिचार से बचे रहँय।”

रोमियन 11:9

अउर राजा दाऊद घलाय कहत हें; कि “ऊँ पंचे जउन खाँय-पिअँइ माहीं परे हँय, उआ उनखे खातिर जाल अउर फन्दा बन जाय, अउर ठोकर खाँइके अउर सजा पामँइ के कारन बन जाय।

रोमियन 14:13

एसे हम पंचे आपस माहीं एक दुसरे के ऊपर दोस लगाउब छोंड़ि देई, अउर इआ ठान लेई, कि अपने बिसुआसी भाई-बहिनिन के गइल माहीं कउनव अरचन ठाढ़ न करब, अउर न ओही पाप करँइ के खातिर उकसउबय करब।

रोमियन 14:21

अउर अगर तोंहरे पंचन के माँस खाए से, अउर अंगूर के रस पिए से, अउर कुछू अइसन काम करे से, दुसरे भाई के आत्मिक जीबन नास होइ रहा हय, त तोंहईं पंचन काहीं अइसन कामन काहीं करब उचित नहिं आय।

रोमियन 9:32

काहे नहीं बन पाएँ? एसे कि ऊँ पंचे मसीह के ऊपर बिसुआस नहीं किहिन, बलकिन मूसा के बिधान के पालन कइके धरमी बनँइ के कोसिस करत रहे हँय, अउर मसीह जउन चट्टान कि नाईं हें, ऊँ पंचे उनखे ऊपर बिसुआस न कइके ठोकर खाइन।

1 कुरिन्थियन 1:23

पय हम पंचे त क्रूस माहीं चढ़ाए मसीह के प्रचार करित हएन, अउर यहूदी लोग इआ बिसुआस नहीं करँय, कि मसीह मनइन के पापन के माफी के खातिर क्रूस माहीं मरे हें, एसे ऊँ पंचे इआ खुसी के खबर काहीं सुनिके क्रोधित होइ जात हें, अउर गैरयहूदी लोग, इआ बात काहीं मूर्खता समझत हें, कि मसीह मनइन के पापन के माफी के खातिर क्रूस माहीं मरे हें।

1 कुरिन्थियन 7:2

तोंहरे बीच माहीं ब्यभिचार न होय, इआ कारन से हरेक मंसेरुआ के एकठे मेहेरिआ होय, अउर हरेक मेहेरिआ के एकठे मंसेरुआ होय।

इब्रानियन 13:4

अउर काज-बिआह सबके बीच माहीं मान-सम्मान के बात समझी जाय, अउर उनखर बिछउना निस्कलंक होंइ चाही, अरथात जिनखर बिआह होत हय, उनहीं पबित्र होंइ चाही, काहेकि परमातिमा ब्यभिचारिन, अउर दुसरे के मेहेरिआ के साथ नजायज सम्बन्ध बनामँइ बालेन के न्याय करिहँय।

1 पतरस 2:8

अउर “उआ अइसन पथरा बनिगा जेसे मनइन काहीं ठेस लागत ही, अउर अइसन बड़ी चट्टान बनिगा जउने से मनइन काहीं ठोकर लागत ही।” काहेकि ऊँ पंचे परमातिमा के बचन काहीं न मानिके ठोकर खात हें, अउर ऊँ पंचे एहिन के खातिर ठहराए घलाय गे रहे हँय।

2 पतरस 2:15

ऊँ पंचे सीध गइल काहीं छोंड़िके भटकिगें हँय, अउर बओर के लड़िका बिलाम के बताए गइल माहीं चलँइ लागें हँय; जउन खुब समय पहिले अधरम के मजूरी काहीं पियार जानिस रहा हय।

यहूदा 1:11

अउर इनहीं पंचन काहीं परमातिमा से खुब सजा मिली, काहेकि ईं पंचे कैन कि नाईं बुरी चाल-चलन काहीं अपनाइन हीं, अउर मजूरी के खातिर बिलाम नबी कि नाईं, बिना सोच बिचार किहे गलती कर बइठे हँय: एसे ईं पंचे घलाय नास होइ जइहँय, जइसन कोरह के साथ मिलिके प्रभू के बिरोध करँइ बाले नास कइ दीनगे रहे हँय।

दरसनन के बातँय 2:20

पय हमहीं तोंहरे बिरोध माहीं इआ कहँइ क हय, कि तूँ उआ मेहेरिआ इजेबेल काहीं रहँइ देते हया, जउन अपने-आप काहीं परमातिमा के सँदेस बतामँइ बाली कहत ही, उआ अपने सिच्छा से, हमरे सेबकन काहीं ब्यभिचार करँय, अउर मूरतिन के आँगे चढ़ाई चीजन काहीं खाँय के खातिर बहकाबत ही।

दरसनन के बातँय 2:4

पय हमहीं तोंहरे बिरोध माहीं इआ कहँइ क हय, कि तूँ आपन पहिले कि नाईं प्रेम करब छोंड़ दिहा हय।

दरसनन के बातँय 21:8

पय डरपोकन, अउर अबिसुआसी लोगन, अउर बुरे काम करँइ बालेन, अउर कतलिन, अउर ब्यभिचारिन, अउर टोना मारँइ बालेन, अउर मूरतिन के पूजा करँइ बालेन, अउर सब लबरन के भाग, उआ झील माहीं मिली, जउन आगी अउर गन्धक से जलत रहत ही, इआ दूसर मउत आय।”

दरसनन के बातँय 22:15

पय कुकुरन, अउर जादू-टोना करँइ बाले, अउर ब्यभिचारी, अउर कतली, अउर मूरतिन के पूजा करँइ बाले, अउर हरेक लबरी काम करँइ बाले, अउर लबरी बोलँइ के इच्छा रक्खँइ बाले, बहिरेन रइहँय।”