दरसनन के बातँय 19:4 - Bagheli Bible

⁴ तब चउबीसव अँगुआ, अउर चरहूँ प्रानी, परमातिमा के गोड़न गिरें, जउन सिंहासन माहीं बइठ रहे हँय, अउर कहिन, “आमीन! हालेलूय्याह!”

दरसनन के बातँय 19:4 ပူးပေါင်းရင်းမြစ်များ

मत्ती 28:20

अउर जउने बातन काहीं, हम तोंहईं पंचन काहीं मानँइ के हुकुम दिहेन हय, उँइन बातन काहीं मानँइ के खातिर उनहूँ पंचन काहीं सिखाबा: अउर इआ बात काहीं सुध रख्या, कि संसार के अन्त तक हमेसा हम तोंहरे पंचन के साथ माहीं रहब।”

मत्ती 6:13

अउर हमहीं पंचन काहीं परिच्छा माहीं न डारी, बलकिन बुराई करँइ बाले सइतान के हाँथ से बचाई; (काहेकि राज अउर पराक्रम अउर महिमा हमेसा अपनय के आय।” आमीन!)

1 कुरिन्थियन 14:16

अउर अगर कउनव मनई पबित्र आत्मा के अँगुआई से अनजान भाँसा माहीं धन्यबाद, इआ कि प्राथना करी, त जे कोऊ उआ भाँसा काहीं नहीं समझँय, त ओखे साथ कइसन आमीन करिहँय? काहेकि जउन धन्यबाद, इआ कि प्राथना उआ किहिस ही, ऊँ पंचे ओही नहीं समझँय।

दरसनन के बातँय 15:7

तब ऊँ चारिव प्रानिन म से, एक जने, ऊँ सतहूँ स्वरगदूतन काहीं, परमातिमा, जउन जुगन-जुगन तक जिन्दा रइहँय, उनखे कोप से भरे सोने के सातठे खोरबा दिहिन।

दरसनन के बातँय 19:1

एखे बाद हम स्वरग माहीं एकठे बड़ी भीड़ कि नाईं खुब चन्डे बोल से, इआ कहत सुनेन, “हालेलूय्याह! मुक्ती अउर महिमा अउर सामर्थ, हमरे पंचन के परमातिमय के आय।

दरसनन के बातँय 19:3

पुनि ऊँ पंचे दुसराय कहिन, “हालेलूय्याह! ओखे जरँय के धुँआ जुगन-जुगन तक उठत रही।”

दरसनन के बातँय 19:6

ओखे बाद हम बड़ी भीड़ कि नाईं, अउर खुब पानी कि नाईं, अउर गरजँय कि नाईं, बड़ी तेज अबाज सुनेन; “हालेलूय्याह! काहेकि प्रभू हमार पंचन के परमातिमा सर्बसक्तिमान राज करत हें।

दरसनन के बातँय 5:14

अउर चारिव जिन्दा प्रानी आमीन कहिन, अउर अँगुआ लोग मुँह के बल गिरिके गोड़न गिरें।