दरसनन के बातँय 19:3 - Bagheli Bible

³ पुनि ऊँ पंचे दुसराय कहिन, “हालेलूय्याह! ओखे जरँय के धुँआ जुगन-जुगन तक उठत रही।”

दरसनन के बातँय 19:3 ပူးပေါင်းရင်းမြစ်များ

यहूदा 1:7

अउर इहइमेर से हम तोंहईं पंचन काहीं इहव बतामँइ चाहित हएन, कि कउनमेर से सदोम अउर अमोरा सहरन के अउर उनखे आस-पास के सहरन के मनई, ईंन स्वरगदूतन कि नाईं ब्यभिचार करँइ बाले होइगे रहे हँय, अउर बुरी बासनन के पीछे भागत रहे हँय, त प्रभू उनहीं कबहूँ न बुझाँय बाली आगी माहीं डारिके नास कइ दिहिन रहा हय, जउन हमरे पंचन के खातिर उदाहरन बनिगें हँय।

दरसनन के बातँय 14:11

ओखे पीरा के धुँआ जुगन-जुगन तक उठत रही, पय जे उआ खतरनाक जानबर अउर ओखे मूरत के अराधना करत हें, अउर जउन ओखे नाम के छाप लगबाबत हें, उनहीं पंचन काहीं रातव-दिन चयन न मिली।”

दरसनन के बातँय 18:18

ओखे जरँय के धुँआ देखत गोहराइके कइहँय, ‘कउन सहर इआ बड़े सहर कि नाईं हय?’

दरसनन के बातँय 18:9

अउर धरती के राजा जउन ओखे साथ ब्यभिचार, अउर सुख-बिलास किहिन हीं, जब ओखे जरँय के धुँआ देखिहँय, त ओखे खातिर रोइहँय, अउर छाती पिटिहँय।

दरसनन के बातँय 19:1

एखे बाद हम स्वरग माहीं एकठे बड़ी भीड़ कि नाईं खुब चन्डे बोल से, इआ कहत सुनेन, “हालेलूय्याह! मुक्ती अउर महिमा अउर सामर्थ, हमरे पंचन के परमातिमय के आय।

दरसनन के बातँय 19:4

तब चउबीसव अँगुआ, अउर चरहूँ प्रानी, परमातिमा के गोड़न गिरें, जउन सिंहासन माहीं बइठ रहे हँय, अउर कहिन, “आमीन! हालेलूय्याह!”