दरसनन के बातँय 18:9 - Bagheli Bible

⁹ अउर धरती के राजा जउन ओखे साथ ब्यभिचार, अउर सुख-बिलास किहिन हीं, जब ओखे जरँय के धुँआ देखिहँय, त ओखे खातिर रोइहँय, अउर छाती पिटिहँय।

दरसनन के बातँय 18:9 ပူးပေါင်းရင်းမြစ်များ

1 तीमुथियुस 5:11

पय जमान बिधबन के नाम मसीही मन्डली के मदत सूची माहीं न लिख्या, काहेकि जब ऊँ मसीह के बचन काहीं मानब छोंड़िके, भोग-बिलास माहीं परि जाती हँय, त ऊँ बिआह करँय चहती हईं।

दरसनन के बातँय 14:11

ओखे पीरा के धुँआ जुगन-जुगन तक उठत रही, पय जे उआ खतरनाक जानबर अउर ओखे मूरत के अराधना करत हें, अउर जउन ओखे नाम के छाप लगबाबत हें, उनहीं पंचन काहीं रातव-दिन चयन न मिली।”

दरसनन के बातँय 17:2

जेखे साथ धरती के राजा लोग ब्यभिचार किहिन; अउर धरती के रहँइ बाले ओखे ब्यभिचार के मदिरा से मतबार होइगे रहे हँय।”

दरसनन के बातँय 18:18

ओखे जरँय के धुँआ देखत गोहराइके कइहँय, ‘कउन सहर इआ बड़े सहर कि नाईं हय?’

दरसनन के बातँय 18:20

हे स्वरग, अउर हे सगले पबित्र मनइव, अउर यीसु के खास चेलव, अउर परमातिमा के सँदेस बतामँइ बालेव, ओखे ऊपर आनन्द करा, काहेकि परमातिमा न्याय कइके, ओसे तोंहार पंचन के बदला लिहिन हीं।”

दरसनन के बातँय 18:3

काहेकि ओखे ब्यभिचार के भयानक मदिरा के कारन, सगली जाति गिर गई हँय, अउर धरती के सगले राजा ओखे साथ ब्यभिचार किहिन हीं, अउर धरती के बइपारी ओखे सुख-बिलास के बहुतायत के कारन धनमान भे हँय।”

दरसनन के बातँय 18:7

जेतनी उआ आपन बड़ाई किहिस ही, अउर सुख-बिलास किहिस ही, ओतनय ओही कस्ट अउर दुख द्या; काहेकि उआ अपने मन माहीं कहत ही, ‘हम रानी बनिके बइठ हएन, बिधबा नहीं, अउर हम सोक माहीं कबहूँ न परब।’

दरसनन के बातँय 19:3

पुनि ऊँ पंचे दुसराय कहिन, “हालेलूय्याह! ओखे जरँय के धुँआ जुगन-जुगन तक उठत रही।”

दरसनन के बातँय 2:22

देखा, हम ओही घोर कस्ट माहीं डारित हएन, अउर जे ओखे साथ ब्यभिचार करत हें, अगर ऊँ पंचे ओखी कि नाईं कामन से अपने मन काहीं न बदलिहँय, त हम उनहूँ काहीं घोर कस्ट माहीं डारब।