दरसनन के बातँय 18:2 - Bagheli Bible

² ऊँ खुब चन्डे गोहराइके कहिन, “गिरिगा, बड़ा बेबीलोन सहर गिरिगा हय, बुरी आत्मन के निबास, अउर हरेक असुद्ध आत्मन के अड्डा, अउर हरेक असुद्ध अउर घिनहे पंछिन के अड्डा होइगा हय।

दरसनन के बातँय 18:2 ပူးပေါင်းရင်းမြစ်များ

दरसनन के बातँय 1:15

अउर उनखर गोड़ उत्तम पीतल कि नाईं रहे हँय, जउन मानो भट्ठी माहीं तपाए गे होंय; अउर उनखर बोल, खुब पानी के बोल कि नाईं रहा हय।

दरसनन के बातँय 10:3

अउर अइसन चन्डे चिल्लाने, जइसन सेर गरजत होय; अउर जब ऊँ चिल्लाने, त गरजँय के सातठे बोल सुनाई दिहिन।

दरसनन के बातँय 11:8

उनखर लहासँय उआ बड़े सहर के चउराहा माहीं परी रइहँय, जउन आत्मिक रीति से सदोम अउर मिस्र कहाबत हय, जहाँ उनखर प्रभू घलाय क्रूस माहीं चढ़ाए गे रहे हँय।

दरसनन के बातँय 14:15

पुनि एकठे अउर स्वरगदूत मन्दिर म से निकरिके, उनसे जउन बदरी माहीं बइठ रहे हँय, खुब चन्डे गोहराइके कहिन, “आपन हँसिया लगाइके कटाई करा, काहेकि कटाई करँइ के समय आइगा हय, एसे कि धरती के खेती पकि चुकी हय।”

दरसनन के बातँय 14:8

एखे बाद पुनि एकठे अउर, दूसर स्वरगदूत इआ कहत आएँ, “गिर परा, उआ बड़ा बेबीलोन सहर गिर परा, जउन अपने ब्यभिचार के क्रोध भरी मदिरा, सगली जातिअन काहीं पिआइस ही।”

दरसनन के बातँय 16:13

अउर हम उआ अजिगर के मुँहे से, अउर उआ खतरनाक जानबर के मुँहे से, अउर परमातिमा के लबरी सँदेस बतामँइ बाले के मुँहे से, तीनठे असुद्ध आत्मन काहीं गुलरन के रूप माहीं निकरत देखेन।

दरसनन के बातँय 16:19

एसे उआ बड़े सहर के तीन भाग होइगें, अउर हरेक जातिअन के सहर गिर परें; अउर बड़े बेबीलोन के स्मरन परमातिमा के इहाँ भ, कि ऊँ अपने क्रोध के जलजलाहट के मदिरा ओही पिआमँइ।

दरसनन के बातँय 17:18

उआ मेहेरिआ, जउने काहीं तूँ देखे हया, उआ बड़ा सहर आय, जउन धरती के राजन के ऊपर राज करत हय।”

दरसनन के बातँय 17:5

अउर ओखे लिलारे माहीं इआ नाम लिखा रहा हय, “भेद-बड़ा बेबीलोन, धरती के बेस्यन, अउर घिनही चीजन के महतारी।”

दरसनन के बातँय 18:10

ओखे पीरा के डेरन के मारे ऊँ पंचे खुब दूरी ठाढ़ होइके कइहँय, ‘हे बड़े सहर, बेबीलोन! हे सक्तिसाली सहर, हाय! हाय! घरी भर माहीं तोही सजा मिलिगे ही’।

दरसनन के बातँय 18:21

ओखे बाद एकठे बलमान स्वरगदूत बड़ी चक्की के जतबा कि नाईं एकठे पथरा उठाइन, अउर इआ कहिके समुंद्र माहीं फेंक दिहिन, “बड़ा सहर बेबीलोन इहइमेर बड़े बल से गिराबा जई, अउर पुनि ओखर कबहूँ पता न चली।

दरसनन के बातँय 5:2

फेर हम एकठे बलमान स्वरगदूत काहीं देखेन, जउन तेज अबाज से इआ प्रचार करत रहे हँय, कि “इआ किताब काहीं खोलँय अउर एखर मुहर टोरँइ के काबिल को हय?”