दरसनन के बातँय 17:8 - Bagheli Bible

⁸ जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।

दरसनन के बातँय 17:8 ပူးပေါင်းရင်းမြစ်များ

मत्ती 25:34

अउर तब ऊँ राजा अरथात मनई के लड़िका अपने दहिने कइती बालेन से कइहँय, कि ‘हे हमरे पिता परमातिमा के धन्य मनइव, तूँ पंचे आबा, अउर उआ राज के अधिकारी होइजा, जउन संसार के सुरुआतय से तोंहरे खातिर तइआर कीन ग हय।

लूका 10:20

तऊ तूँ पंचे एसे आनन्दित न होया, कि आत्मा तोंहरे बस माहीं हईं, बलकिन एसे आनन्दित होया, कि स्वरग माहीं तोंहार नाम लिखे हँय।”

लूका 8:31

अउर ऊँ बुरी आत्मा यीसु से खुब चरउरी किहिन, कि हमहीं अथाह कुन्ड माहीं जाँइ के हुकुम न देई।

यूहन्ना 17:24

हे पिता परमातिमा, हम चाहित हएन, कि जिनहीं अपना हमहीं दिहेन हय, जहाँ हम रहब, उहाँ ऊँ पंचे हमरे साथ रहँय, कि जउने ऊँ पंचे हमरे उआ महिमा काहीं देखँय, जउन अपना हमहीं दिहेन हय, काहेकि अपना संसार काहीं बनामँइ से पहिले हमसे प्रेम किहेन हय।

खास चेलन 15:18

इआ बात काहीं उँइन प्रभू कहत हें जउन संसार के उत्पन्न होतय से ईं बातन के खबर देत आए हँय।

इफीसियन 1:4

संसार काहीं बनामँइ के पहिलेन से परमातिमा, यीसु मसीह के द्वारा हमहीं पंचन काहीं चुनि लिहिन तय, कि जउने हम पंचे उनखे नजर माहीं, उनखे प्रेम के कारन पबित्र अउर निरदोस ठहरी।

तीतुस 1:2

हम उआ अनन्त जीबन मिलँइ के आसा कए हएन, जउने काहीं देंइ के वादा परमातिमा, जउन कबहूँ लबरी नहीं बोलँइ, दुनिया के बनामँइ से पहिले किहिन हीं।

1 पतरस 1:20

अउर मुक्ती देंइ के खातिर यीसु मसीह काहीं, संसार काहीं बनामँइ से पहिलेन चुनि लीन ग रहा हय, पय अब इआ अन्तिम जुग माहीं तोंहरे खातिर उनहीं प्रगट कीन ग हय।

दरसनन के बातँय 11:7

अउर जब ऊँ पंचे आपन गबाही दइ चुकिहँय, तब उआ खतरनाक जानबर जउन अथाह कुन्ड म से निकरी, उनसे लड़िके उनहीं हराय देई, अउर उनहीं मारि डारी।

दरसनन के बातँय 17:11

जउन खतरनाक जानबर पहिले रहा हय, अउर अब नहिं आय, उआ खुदय अठमाँ आय, अउर उआ ऊँ सतहूँ म से पइदा भ हय, अउर बिनास माहीं परी।

दरसनन के बातँय 17:2

जेखे साथ धरती के राजा लोग ब्यभिचार किहिन; अउर धरती के रहँइ बाले ओखे ब्यभिचार के मदिरा से मतबार होइगे रहे हँय।”

दरसनन के बातँय 20:10

अउर उनखर भरमामँइ बाला सइतान आगी अउर गन्धक के उआ झील माहीं, जउने माहीं उआ खतरनाक जानबर, अउर लबरा नबी घलाय होई, डार दीन जई। अउर ऊँ पंचे रात-दिना जुगन-जुगन तक पीरा माहीं तड़पत रइहँय।

दरसनन के बातँय 20:12

अउर हम छोट-बड़े सब मरे मनइन काहीं सिंहासन के आँगे ठाढ़ देखेन, अउर किताबँय खोली गईं; अउर पुनि एकठे अउर किताब खोली गे, अरथात जीबन के किताब; अउर जइसन ऊँ किताबन माहीं लिखा रहा हय, उहयमेर उनखे कामन के मुताबिक, मरे मनइन के न्याय कीन ग।

दरसनन के बातँय 20:15

अउर जेखर-जेखर नाम जीबन के किताब माहीं लिखा नहीं मिला, ऊँ सगले, आगी के झील माहीं डार दीनगें।

दरसनन के बातँय 3:10

हम तोंहईं धीरज धरँय के खातिर कहेन तय, त तूँ धीरज धरे हया, एसे हमहूँ तोंहईं परिच्छा के उआ समय बचाइके रक्खब, जउन धरती माहीं रहँइ बालेन के जाँचय-परखँय के खातिर, सगले संसार माहीं आमँइ बाली हय।

दरसनन के बातँय 3:5

जे बिजय पाई, ओही इहइमेर उजर ओन्हा पहिराबा जई, अउर हम ओखर नाम जीबन के किताब म से कउनव मेर से न काटब, पय ओखर नाम अपने पिता, अउर उनखे स्वरगदूतन के आँगे मान लेब।