दरसनन के बातँय 17:4 - Bagheli Bible

⁴ उआ मेहेरिआ बैगनी अउर लाल रंग के ओन्हा पहिरे रही हय, अउर सोने अउर खुब कीमती रतनन, अउर मोतिअन से सजी रही हय, अउर ओखे हाँथे माहीं एकठे सोने के खोरबा रहा हय, जउन घिनही चीजन से, अउर ओखे ब्यभिचार के असुद्ध चीजन से भरा रहा हय।

दरसनन के बातँय 17:4 ပူးပေါင်းရင်းမြစ်များ

दरसनन के बातँय 14:8

एखे बाद पुनि एकठे अउर, दूसर स्वरगदूत इआ कहत आएँ, “गिर परा, उआ बड़ा बेबीलोन सहर गिर परा, जउन अपने ब्यभिचार के क्रोध भरी मदिरा, सगली जातिअन काहीं पिआइस ही।”

दरसनन के बातँय 18:12

अरथात सोन-चाँदी, रतन, मोती, अउर मखमल, अउर बैगनी, रेसमी, अउर लाल रंग के ओन्हा, अउर हरेकमेर के महकँइ बाली लकड़ी, अउर हाँथी के दाँत से बनी हरेकमेर के चीजँय, अउर खुब कीमती लकड़ी, अउर पीतल, अउर लोहे, अउर संगमरमर के हरेकमेर के चीजँय,

दरसनन के बातँय 18:16

हाय! हाय! इआ बड़ा सहर जउन मखमल अउर बैगनी अउर लाल रंग के ओन्हा पहिरे रहा हय, अउर सोन अउर रतनन अउर मोतिअन से सजा रहा हय;

दरसनन के बातँय 19:2

काहेकि उनखर निरनय सच्चे अउर न्यायपूर्न हें। अउर ऊँ उआ बड़ी बेस्या काहीं, जउन अपने ब्यभिचार से धरती काहीं भ्रस्ट करत रही हय, सजा दिहिन हीं, अउर ओसे अपने दासन के खून के बदला लिहिन हीं।”

दरसनन के बातँय 21:21

अउर बरहूँ फाटक बारा मोतिन के रहे हँय; एक-एक फाटक एक-एक मोती के बना रहा हय। सहर के सड़क स्वच्छ सीसा कि नाईं सुद्ध सोने के रही हय।

दरसनन के बातँय 9:21

अउर जउन हत्या, अउर टोना, अउर ब्यभिचार, अउर चोरी, ऊँ पंचे किहिन रहा हय, उनसे मन नहीं फिराइन।