दरसनन के बातँय 17:3 - Bagheli Bible

³ त ऊँ हमहीं पबित्र आत्मा माहीं, सुनसान जघा माहीं लइगें, अउर हम लाल रंग के खतरनाक जानबर के ऊपर, जउन परमातिमा के बुराई के सब्दन से भरा रहा हय, अउर जेखे सातठे मूँड़ अउर दसठे सींग रही हँय, एकठे मेहेरिआ काहीं बइठे देखेन।

दरसनन के बातँय 17:3 ပူးပေါင်းရင်းမြစ်များ

मत्ती 27:28

अउर यीसु के ओन्हा उतारिके उनहीं बैगनी रंग के चमकीला ओन्हा पहिराइन।

खास चेलन 8:39

जब ऊँ पंचे पानी से निकरिके बहिरे आएँ, तब प्रभू के आत्मा फिलिप्पुस काहीं उठाइके लइगा, एसे खोजा पुनि उनहीं देखँइ काहीं नहीं पाइन, अउर खोजा आनन्द मनाबत अपने गइल माहीं चलेगें।

2 थिस्सलुनीकियन 2:4

उआ अपने काहीं हरेक चीजन से बढ़िके मानी, अउर उनखर बिरोध करी, अउर अइसन चीजन के जउन परमातिमा के आहीं, इआ कि जउन पूजँय के काबिल हईं। इहाँ तक कि उआ परमातिमा के मन्दिर माहीं बइठिके, इआ दाबा करी, कि हम परमातिमा आहेन।

दरसनन के बातँय 1:10

हम प्रभू के दिन आत्मा माहीं आय गएन, अउर अपने पीछे तुरही कि नाईं बड़ा बोल इआ कहत सुनेन,

दरसनन के बातँय 12:14

पय उआ मेहेरिआ काहीं, बड़े चील्ह के दुइठे पखना दीनगें, कि उआ साँप के आँगे से उड़िके जंगल माहीं, उआ जघा माहीं पहुँच जाय, जहाँ साढ़े तीन बरिस तक पाली पोसी जाय।

दरसनन के बातँय 12:3

एकठे अउर चिन्ह स्वरग माहीं देखाई दिहिस; अउर देखा, एकठे बड़ा भारी लाल अजिगर रहा हय, जेखे सातठे मूँड़ अउर दसठे सींग रहे हँय, अउर ओखे मूँड़ेन माहीं सातठे राजमुकुट रहे हँय।

दरसनन के बातँय 12:6

अउर उआ मेहेरिआ उआ जंगल माहीं भागिगे, जहाँ परमातिमा के तरफ से, ओखे खातिर एकठे जघा तइआर कीन गे रही हय, कि उहाँ उआ एक हजार दुइ सव साठ दिना तक पाली पोसी जाय।

दरसनन के बातँय 17:18

उआ मेहेरिआ, जउने काहीं तूँ देखे हया, उआ बड़ा सहर आय, जउन धरती के राजन के ऊपर राज करत हय।”

दरसनन के बातँय 17:4

उआ मेहेरिआ बैगनी अउर लाल रंग के ओन्हा पहिरे रही हय, अउर सोने अउर खुब कीमती रतनन, अउर मोतिअन से सजी रही हय, अउर ओखे हाँथे माहीं एकठे सोने के खोरबा रहा हय, जउन घिनही चीजन से, अउर ओखे ब्यभिचार के असुद्ध चीजन से भरा रहा हय।

दरसनन के बातँय 18:12

अरथात सोन-चाँदी, रतन, मोती, अउर मखमल, अउर बैगनी, रेसमी, अउर लाल रंग के ओन्हा, अउर हरेकमेर के महकँइ बाली लकड़ी, अउर हाँथी के दाँत से बनी हरेकमेर के चीजँय, अउर खुब कीमती लकड़ी, अउर पीतल, अउर लोहे, अउर संगमरमर के हरेकमेर के चीजँय,

दरसनन के बातँय 18:16

हाय! हाय! इआ बड़ा सहर जउन मखमल अउर बैगनी अउर लाल रंग के ओन्हा पहिरे रहा हय, अउर सोन अउर रतनन अउर मोतिअन से सजा रहा हय;

दरसनन के बातँय 21:10

तब ऊँ हमहीं पबित्र आत्मा माहीं, एकठे बड़े अउर ऊँच पहार के ऊपर लइगें, अउर पबित्र सहर यरूसलेम काहीं, स्वरग से परमातिमा के लघे से उतरत देखाइन।

दरसनन के बातँय 4:2

अउर तुरन्तय हम पबित्र आत्मा से भर गएन; अउर का देखित हएन, कि एकठे सिंहासन स्वरग माहीं धरा हय, अउर उआ सिंहासन के ऊपर कोऊ बइठ हें।