दरसनन के बातँय 17:2 - Bagheli Bible

² जेखे साथ धरती के राजा लोग ब्यभिचार किहिन; अउर धरती के रहँइ बाले ओखे ब्यभिचार के मदिरा से मतबार होइगे रहे हँय।”

दरसनन के बातँय 17:2 ပူးပေါင်းရင်းမြစ်များ

यूहन्ना 2:10

“हरेक मनई पहिले निकहा अंगूर के रस देत हय, अउर जब मनई पिके अघाय जात हें, तब उआ ओसे कम निकहा देत हय, पय तूँ अबय तक निकहा अंगूर के रस धरे हया।”

दरसनन के बातँय 14:8

एखे बाद पुनि एकठे अउर, दूसर स्वरगदूत इआ कहत आएँ, “गिर परा, उआ बड़ा बेबीलोन सहर गिर परा, जउन अपने ब्यभिचार के क्रोध भरी मदिरा, सगली जातिअन काहीं पिआइस ही।”

दरसनन के बातँय 17:13

ईं पंचे सब एकय मन होइहँय, अउर ऊँ पंचे आपन-आपन सक्ती अउर अधिकार उआ खतरनाक जानबर काहीं देइहँय।

दरसनन के बातँय 17:17

काहेकि परमातिमा, उनखे मन माहीं इआ बिचार डरिहँय, कि ऊँ पंचे उनखे मरजी काहीं पूर करँय, अउर जब तक परमातिमा के बचन पूर न होइ जाय, तब तक एक मन होइके आपन-आपन राज, उआ खतरनाक जानबर काहीं दइ देंय।

दरसनन के बातँय 17:5

अउर ओखे लिलारे माहीं इआ नाम लिखा रहा हय, “भेद-बड़ा बेबीलोन, धरती के बेस्यन, अउर घिनही चीजन के महतारी।”

दरसनन के बातँय 17:8

जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।

दरसनन के बातँय 18:23

अउर दिया के उँजिआर पुनि कबहूँ तोरे भीतर न चमकी, अउर दुलहा अउर दुलहिन के बोल पुनि कबहूँ तोरे भीतर सुनाई न देई; काहेकि तोर बइपारी धरती के प्रधान रहे हँय, अउर तोरे जादू से सगली जाति भरमाई गईं तय।

दरसनन के बातँय 18:3

काहेकि ओखे ब्यभिचार के भयानक मदिरा के कारन, सगली जाति गिर गई हँय, अउर धरती के सगले राजा ओखे साथ ब्यभिचार किहिन हीं, अउर धरती के बइपारी ओखे सुख-बिलास के बहुतायत के कारन धनमान भे हँय।”

दरसनन के बातँय 18:9

अउर धरती के राजा जउन ओखे साथ ब्यभिचार, अउर सुख-बिलास किहिन हीं, जब ओखे जरँय के धुँआ देखिहँय, त ओखे खातिर रोइहँय, अउर छाती पिटिहँय।

दरसनन के बातँय 2:22

देखा, हम ओही घोर कस्ट माहीं डारित हएन, अउर जे ओखे साथ ब्यभिचार करत हें, अगर ऊँ पंचे ओखी कि नाईं कामन से अपने मन काहीं न बदलिहँय, त हम उनहूँ काहीं घोर कस्ट माहीं डारब।

दरसनन के बातँय 3:10

हम तोंहईं धीरज धरँय के खातिर कहेन तय, त तूँ धीरज धरे हया, एसे हमहूँ तोंहईं परिच्छा के उआ समय बचाइके रक्खब, जउन धरती माहीं रहँइ बालेन के जाँचय-परखँय के खातिर, सगले संसार माहीं आमँइ बाली हय।

दरसनन के बातँय 9:21

अउर जउन हत्या, अउर टोना, अउर ब्यभिचार, अउर चोरी, ऊँ पंचे किहिन रहा हय, उनसे मन नहीं फिराइन।