दरसनन के बातँय 17:16 - Bagheli Bible

¹⁶ जउन दसठे सींग तूँ देखे हया, ऊँ पंचे, अउर खतरनाक जानबर, उआ बेस्या से दुसमनी रखिहँय, अउर ओही लाचार अउर नंगी कइ देइहँय, अउर ओखर माँस खाय जइहँय, अउर ओही आगी माहीं जराय देइहँय।

दरसनन के बातँय 17:16 ပူးပေါင်းရင်းမြစ်များ

दरसनन के बातँय 18:8

इआ कारन से एकय दिन माहीं ओखे ऊपर खुब बिपत्ती आय परिहँय, अरथात मउत, अउर सोक, अउर अकाल; अउर उआ आगी माहीं भसम कइ दीन जई, काहेकि ओखर न्याय करँइ बाले प्रभू परमातिमा सर्बसक्तिमान हें।

दरसनन के बातँय 18:19

अउर अपने-अपने मूँड़ेन के ऊपर धूधुर डरिहँय, अउर रोबत अउर कलपत, चिल्लाय-चिल्लाइके कइहँय, ‘हाय! हाय! इआ बड़ा सहर, जेखे धन-सम्पत्ती के द्वारा समुंद्र के सगले जिहाज बाले धनी होइगे रहे हँय, घरी भर माहीं उजरिगा।’

दरसनन के बातँय 19:18

जउने तूँ पंचे राजन के माँस, अउर मुखिअन के माँस, अउर सूरबीर मंसेरुअन के माँस, अउर घोड़न के अउर उनखे सबारन के माँस, अउर का अजाद, का दास, का छोट, का बड़े, सगले जनेन के माँस खा।”

दरसनन के बातँय 17:10

ऊँ सातठे राजा घलाय आहीं, उनमा से पाँच जनेन के बिनास होइ चुका हय, अउर एकठे अबे हय, अउर एकठे अबे तक आबा नहीं, अउर जब अई त कुछ समय तक ओखर रहब घलाय जरूरी हय।

दरसनन के बातँय 16:12

ओखे बाद छठमाँ स्वरगदूत, अपने खोरबा काहीं फरात महानदी के ऊपर उड़ेल दिहिन, अउर ओखर पानी झुराइगा, कि जउने पूरुब दिसा के राजन के खातिर गइल तइआर होइ जाय।

दरसनन के बातँय 12:3

एकठे अउर चिन्ह स्वरग माहीं देखाई दिहिस; अउर देखा, एकठे बड़ा भारी लाल अजिगर रहा हय, जेखे सातठे मूँड़ अउर दसठे सींग रहे हँय, अउर ओखे मूँड़ेन माहीं सातठे राजमुकुट रहे हँय।