दरसनन के बातँय 17:1 - Bagheli Bible

¹ अउर जउने सातठे स्वरगदूतन के लघे ऊँ सातठे खोरबा रहे हँय, उनमा से एक जने आइके हमसे इआ कहिन, “इहाँ आबा, हम तोंहईं उआ बड़ी बेस्या के सजा देखाई, जउन खुब पानी माहीं बइठ ही,

दरसनन के बातँय 17:1 ပူးပေါင်းရင်းမြစ်များ

लूका 24:32

तब ऊँ पंचे आपस माहीं कहिन, “जब ऊँ गइल माहीं हमसे बात करत रहे हँय, अउर पबित्र सास्त्र के मतलब समझाबत रहे हँय, तब का हमरे हिरदँय माहीं उत्तेजना नहीं पइदा भय तय?”

लूका 9:30

अउर तिनहूँ चेलन काहीं मूसा नबी के साथ एलिय्याह नबी देखाने, ऊँ दोनव जने यीसु के साथ बातँय करत रहे हँय।

दरसनन के बातँय 1:1

परमातिमा आपन प्रकासन यीसु मसीह काहीं एसे दिहिन, कि ऊँ अपने दासन काहीं ऊँ बातँय देखामँय, जिनखर हरबिन होब जरूरी हय, अउर ऊँ अपने स्वरगदूत काहीं पठइके उनखे द्वारा अपने दास यूहन्ना काहीं बताइन,

दरसनन के बातँय 15:1

पुनि हम स्वरग माहीं एकठे अउर बड़ी, अउर अदभुत चिन्हारी देखेन, अरथात सातठे स्वरगदूत, जिनखे लघे सतहूँ आखिरी बिपत्ती रही हँय, काहेकि उनखे खतम होइ जाँय के बादय, परमातिमा के कोप पूर होइ जई।

दरसनन के बातँय 16:19

एसे उआ बड़े सहर के तीन भाग होइगें, अउर हरेक जातिअन के सहर गिर परें; अउर बड़े बेबीलोन के स्मरन परमातिमा के इहाँ भ, कि ऊँ अपने क्रोध के जलजलाहट के मदिरा ओही पिआमँइ।

दरसनन के बातँय 18:1

एखे बाद हम एकठे अउर स्वरगदूत काहीं, स्वरग से उतरत देखेन, जिनहीं बड़ा अधिकार मिला रहा हय; अउर धरती उनखे तेज से चमक उठी।

दरसनन के बातँय 19:2

काहेकि उनखर निरनय सच्चे अउर न्यायपूर्न हें। अउर ऊँ उआ बड़ी बेस्या काहीं, जउन अपने ब्यभिचार से धरती काहीं भ्रस्ट करत रही हय, सजा दिहिन हीं, अउर ओसे अपने दासन के खून के बदला लिहिन हीं।”

दरसनन के बातँय 19:9

तब स्वरगदूत हमसे कहिन, “इआ लिखा, कि ऊँ पंचे धन्य हें, जउन मेम्ना के बिआह-भोज माहीं बोलाए गे हँय।” पुनि ऊँ हमसे कहिन, “ईं बचन परमातिमा के सत्य बचन आहीं।”

दरसनन के बातँय 21:15

जउन हमसे बात करत रहे हँय, उनखे लघे सहर अउर ओखे फाटकन, अउर ओखे सहरपनाह काहीं नापँय के खातिर, एकठे सोने के गज रहा हय।

दरसनन के बातँय 21:9

ओखे बाद जिन सातठे स्वरगदूतन के लघे, सातठे अन्तिम बिपत्तिन से भरे खोरबा रहे हँय, उनमा से एक जने हमरे लघे आएँ, अउर हमसे बातँय कइके कहँइ लागें, “एँकई आबा, हम तोंहईं दुलहिन, अरथात मेम्ना के मेहेरिआ देखाउब।”

दरसनन के बातँय 4:1

ईं बातन के बाद, जब हम नजर उठाइके देखेन, त का देखित हएन, कि स्वरग माहीं एकठे दुअरा खुला हय; अउर जेही हम पहिले तुरही कि नाईं अबाज से, अपने साथ बातँय करत सुने रहेन हय, उँइन कहत हें, कि “इहाँ ऊपर आय जा, अउर हम ऊँ बातँय तोंहईं देखाउब, जिनखर ईं बातन के बाद पूर होब जरूरी हय।”