दरसनन के बातँय 16:5 - Bagheli Bible

⁵ तब हम ऊँ स्वरगदूत काहीं जउन पानी के मालिक रहे हँय, इआ कहत सुनेन, “हे पबित्र, जउन हएन, अउर जउन रहे हएन, अपना न्यायी हएन, अउर अपना इआ न्याय किहेन हय।

दरसनन के बातँय 16:5 ပူးပေါင်းရင်းမြစ်များ

दरसनन के बातँय 11:17

इआ कहँइ लागें, “हे सर्बसक्तिमान प्रभू परमातिमा, जउन हएन, अउर जउन रहे हएन, हम पंचे अपना के धन्यबाद करित हएन, कि अपना अपने बड़ी सामर्थ काहीं काम म लइआइके राज किहेन हय।

दरसनन के बातँय 1:8

प्रभू परमातिमा, जउन हें, अउर जउन रहे हँय, अउर जउन आमँइ बाले हें, जउन सबसे सक्तिसाली हें, इआ कहत हें, “हमहिन अल्फा अउर ओमेगा आहेन।”

दरसनन के बातँय 1:4

यूहन्ना के तरफ से आसिया प्रदेस के सातव मसीही मन्डली के नाम। अउर उनखे तरफ से जउन हें, अउर जउन रहे हँय, अउर जउन आमँइ बाले हें; अउर उन सातँव आत्मन के तरफ से, जउन उनखे सिंहासन के आँगे हईं,

दरसनन के बातँय 4:8

अउर चरहूँ प्रानिन के छय-छयठे पखना हें, अउर चारिव कइती, अउर भीतर आँखिन आँखी हईं; अउर ऊँ पंचे रातव दिना बिना अराम किहे, इआ कहत रहत हें, कि “पबित्र, पबित्र, पबित्र प्रभू परमातिमा, सर्बसक्तिमान, जउन रहे हँय, अउर जउन हें, अउर जउन आमँइ बाले हें।”

रोमियन 2:5

पय तूँ अपने हठी अउर कबहूँ न पचिताँय बाले मन के कारन, परमातिमा के क्रोधपूर्न सजा काहीं अपने खातिर उआ दिन के खातिर एकट्ठा कइ रहे हया, जब परमातिमा सच्चा न्याय करिहँय।

दरसनन के बातँय 16:7

ओखे बाद हम बेदी से इआ बोल सुनेन, “हाँ, हे सर्बसक्तिमान प्रभू परमातिमा, अपना के निरनय ठीक अउर सच्चे हें।”

रोमियन 3:5

एसे अगर हमार पंचन के अधारमिकता परमातिमा के धारमिकता सिद्ध करत ही, त हम पंचे का कही? का इआ कि परमातिमा जउन हमहीं पंचन काहीं सजा देत हें, त का ऊँ अन्याय करत हें? (इआ त हम एकठे साधारन मनई कि नाईं कहित हएन।)

दरसनन के बातँय 19:2

काहेकि उनखर निरनय सच्चे अउर न्यायपूर्न हें। अउर ऊँ उआ बड़ी बेस्या काहीं, जउन अपने ब्यभिचार से धरती काहीं भ्रस्ट करत रही हय, सजा दिहिन हीं, अउर ओसे अपने दासन के खून के बदला लिहिन हीं।”

दरसनन के बातँय 16:4

अउर तीसर स्वरगदूत आपन खोरबा नदिअन, अउर पानी के झिन्नन माहीं उड़ेल दिहिन, अउर ऊँ खून बनिगें।

यूहन्ना 17:25

हे पिता परमातिमा, अपना धरमी हएन, संसार के मनई अपना काहीं नहीं जानँय, पय हम अपना काहीं जानित हएन, अउर हमार चेला लोग जानिगें हँय, कि अपनय हमहीं पठएन हय।

दरसनन के बातँय 6:10

ऊँ पंचे खुब चन्डे गोहराइके कहिन, “हे मालिक, हे पबित्र, अउर सत्य; अपना कब तक न्याय न करब? अउर धरती के रहँइ बालेन से, हमरे खून के बदला कब तक न लेब?”