दरसनन के बातँय 16:2 - Bagheli Bible

² एसे पहिल स्वरगदूत जाइके, आपन खोरबा धरती माहीं उड़ेल दिहिन। तब ऊँ मनइन के, जिनखे ऊपर उआ खतरनाक जानबर के छाप रही हय, अउर जउन ओखे मूरत के अराधना करत रहे हँय, उनखे देंह माहीं बड़े घिनहे अउर दुखदाई फोड़ा निकरें।

दरसनन के बातँय 16:2 ပူးပေါင်းရင်းမြစ်များ

खास चेलन 12:23

उहय समय प्रभू के एकठे दूत हरबिन राजा हेरोदेस काहीं बिमार कइ दिहिन, काहेकि ऊँ परमातिमा के बड़ाई नहीं किहिन तय, अउर उनखे देंह माहीं किरबा परिगें, अउर ऊँ मरिगें।

दरसनन के बातँय 13:12

इआ दूसर खतरनाक जानबर, उआ पहिल खतरनाक जानबर के सगला अधिकार ओखे आँगे काम माहीं लाबत रहा हय, अउर धरती अउर ओमाहीं रहँइ बालेन से, उआ पहिल खतरनाक जानबर के जेखर जानलेबा घाव निकहा होइगा रहा हय, अराधना कराबत रहा हय।

दरसनन के बातँय 14:16

एसे जउन बदरी माहीं बइठ रहे हँय, ऊँ धरती माहीं आपन हँसिया लगाइन, अउर धरती के खेती के कटाई कीन गे।

दरसनन के बातँय 14:9

पुनि इनखे बाद एकठे अउर, तीसर स्वरगदूत खुब चन्डे से इआ कहत आएँ, “जे कोऊ उआ खतरनाक जानबर अउर ओखे मूरत के अराधना करी, अउर अपने लिलारे माहीं, इआ कि अपने हाँथे माहीं ओखर छाप लगाई,

दरसनन के बातँय 16:1

पुनि हम मन्दिर माहीं कोहू काहीं खुब चन्डे, उन सतहूँ स्वरगदूतन से इआ कहत सुनेन, “जा, परमातिमा के कोप के सतहूँ खोरबन काहीं धरती माहीं उड़ेल द्या।”

दरसनन के बातँय 16:11

अउर अपने पीरन अउर फोड़न के कारन स्वरग माहीं रहँइ बाले परमातिमा के बुराई किहिन; पय अपने-अपने बुरे कामन से आपन मन नहीं फिराइन।

दरसनन के बातँय 8:7

पहिल स्वरगदूत तुरही फूँकिन, तब खून से मिले ओला अउर आगी उत्पन्न भे अउर धरती माहीं डारी गे; अउर धरती के एक तिहाई हिस्सा जरिगा, अउर एक तिहाई बिरबा जरिगें, अउर सगला हरिअर चारा घलाय जरिगा।