दरसनन के बातँय 15:4 - Bagheli Bible

⁴ “हे प्रभू, अइसा कउन हय, जउन अपना से न डेरई, अउर अपना के नाम के बड़ाई न करी? काहेकि केबल अपनय पबित्र हएन। अउर सगले जातिअन के मनई आइके अपना के आँगे गोड़न गिरि हँय, काहेकि अपना के न्याय के काम प्रगट होइगे हँय।”

दरसनन के बातँय 15:4 ပူးပေါင်းရင်းမြစ်များ

रोमियन 15:9

अउर गैरयहूदी लोग घलाय, परमातिमा के दया के कारन उनखर बड़ाई करँय, जइसन पबित्र सास्त्र माहीं घलाय लिखा हय, कि “हम गैरयहूदी लोगन के बीच माहीं अपना के धन्यबाद करब, अउर अपना के नाम के भजन गाउब।”

1 पतरस 1:16

काहेकि पबित्र सास्त्र माहीं घलाय इआ लिखा हय, कि परमातिमा कहत हें, “पबित्र बना, काहेकि हम पबित्र हएन।”

दरसनन के बातँय 11:15

अउर जब सतमा दूत तुरही फूँकिन, त स्वरग माहीं एखे बारे माहीं बड़े-बड़े बोल होंइ लागें, कि “संसार के राज हमरे पंचन के प्रभू के, अउर उनखे मसीह के होइ ग हय, अउर ऊँ जुगन-जुगन तक राज करिहँय।”

दरसनन के बातँय 14:7

अउर ऊँ खुब चन्डे कहिन, “परमातिमा से डेरा, अउर उनखर बड़ाई करा, काहेकि उनखर न्याय करँइ के समय आय पहुँचा हय; अउर उनखर भजन करा, उँइन स्वरग, अउर धरती अउर समुंद्र अउर पानी के झिन्नन काहीं बनाइन हीं।”

दरसनन के बातँय 16:5

तब हम ऊँ स्वरगदूत काहीं जउन पानी के मालिक रहे हँय, इआ कहत सुनेन, “हे पबित्र, जउन हएन, अउर जउन रहे हएन, अपना न्यायी हएन, अउर अपना इआ न्याय किहेन हय।

दरसनन के बातँय 16:7

ओखे बाद हम बेदी से इआ बोल सुनेन, “हाँ, हे सर्बसक्तिमान प्रभू परमातिमा, अपना के निरनय ठीक अउर सच्चे हें।”

दरसनन के बातँय 19:2

काहेकि उनखर निरनय सच्चे अउर न्यायपूर्न हें। अउर ऊँ उआ बड़ी बेस्या काहीं, जउन अपने ब्यभिचार से धरती काहीं भ्रस्ट करत रही हय, सजा दिहिन हीं, अउर ओसे अपने दासन के खून के बदला लिहिन हीं।”

दरसनन के बातँय 19:8

अउर ओही सुद्ध अउर चमकँइ बाला मखमल पहिरँय काहीं दीन ग, (उआ सुद्ध मखमल के मतलब पबित्र लोगन के धरम के काम आहीं।)

दरसनन के बातँय 3:7

अउर फिलदिलफिया के मसीही मन्डली के दूत काहीं इआ लिखा, कि “जउन पबित्र अउर सच्चे हें, अउर जेखे लघे राजा दाऊद के उघन्नी हय, जेखे खोले काहीं कोऊ बन्द नहीं कइ सकय, अउर बन्द कीन काहीं कोऊ खोल नहीं सकय, ऊँ इआ कहत हें, कि

दरसनन के बातँय 4:8

अउर चरहूँ प्रानिन के छय-छयठे पखना हें, अउर चारिव कइती, अउर भीतर आँखिन आँखी हईं; अउर ऊँ पंचे रातव दिना बिना अराम किहे, इआ कहत रहत हें, कि “पबित्र, पबित्र, पबित्र प्रभू परमातिमा, सर्बसक्तिमान, जउन रहे हँय, अउर जउन हें, अउर जउन आमँइ बाले हें।”

दरसनन के बातँय 6:10

ऊँ पंचे खुब चन्डे गोहराइके कहिन, “हे मालिक, हे पबित्र, अउर सत्य; अपना कब तक न्याय न करब? अउर धरती के रहँइ बालेन से, हमरे खून के बदला कब तक न लेब?”