दरसनन के बातँय 15:3 - Bagheli Bible

³ ऊँ पंचे परमातिमा के दास मूसा के गीत, अउर मेम्ना के गीत गाय, गाइके कहत रहे हँय, “हे सर्बसक्तिमान प्रभू परमातिमा, अपना के काम महान अउर अचरज के हें; हे जाति-जाति के राजा, अपना के चाल ठीक अउर सच्ची हय।”

दरसनन के बातँय 15:3 ပူးပေါင်းရင်းမြစ်များ

यूहन्ना 1:17

परमातिमा के बिधान मूसा नबी के व्दारा दीन ग हय; पय किरपा अउर सच्चाई यीसु मसीह के व्दारा पहुँची हय।

1 तीमुथियुस 1:17

अब हमेसा राज करँइ बाले राजा, अरथात अबिनासी, जिनहीं कोऊ कबहूँ नहीं देखिस, एकलउते परमातिमा के आदर अउर बड़ाई जुग-जुग होत रहय। आमीन।

इब्रानियन 3:5

अउर मूसा त उनखे सगले घराना माहीं सेबक कि नाईं बिसुआस के काबिल रहे हँय, कि जउने बातन के बखान होंइ बाला रहा हय, ओखर गबाही देंय।

दरसनन के बातँय 1:8

प्रभू परमातिमा, जउन हें, अउर जउन रहे हँय, अउर जउन आमँइ बाले हें, जउन सबसे सक्तिसाली हें, इआ कहत हें, “हमहिन अल्फा अउर ओमेगा आहेन।”

दरसनन के बातँय 11:17

इआ कहँइ लागें, “हे सर्बसक्तिमान प्रभू परमातिमा, जउन हएन, अउर जउन रहे हएन, हम पंचे अपना के धन्यबाद करित हएन, कि अपना अपने बड़ी सामर्थ काहीं काम म लइआइके राज किहेन हय।

दरसनन के बातँय 14:3

अउर ऊँ पंचे सिंहासन के आँगे, अउर चारिव प्रानिन अउर अँगुअन के आँगे, एकठे नबा गाना गाबत रहे हँय। अउर ऊँ एक लाख चवालिस हजार मनइन के अलाबा, जउन धरती के ऊपर से मोल लीन गे रहे हँय, कोऊ उआ गाना काहीं नहीं सिख सकत रहे आहीं।

दरसनन के बातँय 14:8

एखे बाद पुनि एकठे अउर, दूसर स्वरगदूत इआ कहत आएँ, “गिर परा, उआ बड़ा बेबीलोन सहर गिर परा, जउन अपने ब्यभिचार के क्रोध भरी मदिरा, सगली जातिअन काहीं पिआइस ही।”

दरसनन के बातँय 17:14

अउर ऊँ पंचे मेम्ना से लड़िहँय, अउर मेम्ना उनखे ऊपर बिजय पइहँय, काहेकि ऊँ प्रभुअन के प्रभू, अउर राजन के राजा आहीं, अउर जउन बोलाए अउर चुने अउर बिसुआसी हें, ऊँ पंचे उनखे साथ रइहँय; अउर ऊँ पंचे घलाय बिजय पइहँय।”

दरसनन के बातँय 19:16

उनखे ओन्हा अउर जाँघ के ऊपर, इआ नाम लिखा हय, “राजन के राजा अउर प्रभुअन के प्रभू।”

दरसनन के बातँय 19:2

काहेकि उनखर निरनय सच्चे अउर न्यायपूर्न हें। अउर ऊँ उआ बड़ी बेस्या काहीं, जउन अपने ब्यभिचार से धरती काहीं भ्रस्ट करत रही हय, सजा दिहिन हीं, अउर ओसे अपने दासन के खून के बदला लिहिन हीं।”

दरसनन के बातँय 4:8

अउर चरहूँ प्रानिन के छय-छयठे पखना हें, अउर चारिव कइती, अउर भीतर आँखिन आँखी हईं; अउर ऊँ पंचे रातव दिना बिना अराम किहे, इआ कहत रहत हें, कि “पबित्र, पबित्र, पबित्र प्रभू परमातिमा, सर्बसक्तिमान, जउन रहे हँय, अउर जउन हें, अउर जउन आमँइ बाले हें।”