दरसनन के बातँय 15:2 - Bagheli Bible

² अउर हम आगी से मिले सीसा कि नाईं, एकठे समुंद्र देखेन; अउर जउन मनई उआ खतरनाक जानबर के ऊपर, अउर ओखे मूरत के ऊपर, अउर ओखे संख्या के ऊपर बिजयी भे रहे हँय, उनहीं पंचन काहीं उआ सीसा के समुंद्र के लघे, परमातिमा के बीना काहीं लए ठाढ़ देखेन।

दरसनन के बातँय 15:2 ပူးပေါင်းရင်းမြစ်များ

मत्ती 3:11

तूँ पंचे अपने-अपने पापन से पस्चाताप किहे हया, इआ देखामँइ के खातिर हम तोंहईं पंचन काहीं पानी से बपतिस्मा देइत हएन, पय जउन हमरे बाद आमँइ बाले हें, ऊँ हमसे एतना महान हें; कि हम त उनखर पनहीं तक उठामँइ के काबिल नहिं आहेन, ऊँ तोंहईं पबित्र आत्मा अउर आगी से बपतिस्मा देइहँय।

1 पतरस 1:7

अउर इआ एसे होत हय, कि तोंहार पंचन के बिसुआस, परिच्छा के द्वारा खरा निकरय, अउर तोंहार पंचन के जाँचा-परखा बिसुआस, आगी माहीं ताबा ग, नास होंइ बाले सोन से जादा कीमती हय, जब यीसु मसीह दुसराय अइहँय, त बिसुआस माहीं बने रहँइ के कारन, तोंहईं पंचन काहीं परमातिमा से बड़ाई, महिमा, अउर मान-सम्मान मिली।

1 पतरस 4:12

हे पियार साथिव, तोंहईं पंचन काहीं जाँचय-परखँय के खातिर, जउन दुख रूपी आगी तोंहरे पंचन के बीच माहीं भड़क उठी हय, त इआ समझिके अचरज न माना, कि कउनव अनहोनी आय घट रही हय।

दरसनन के बातँय 12:11

अउर ऊँ पंचे मेम्ना के खून के कारन, अउर अपने गबाही के बचन के कारन, सइतान के ऊपर बिजयी भें हँय, अउर ऊँ पंचे अपने प्रानन काहीं पियार नहीं जानिन, इहाँ तक कि मउत घलाय सहि लिहिन।

दरसनन के बातँय 13:1

तब हम एकठे खतरनाक जानबर काहीं समुंद्र से निकरत देखेन, ओखे दसठे सींग अउर सातठे मूँड़ रहे हँय; ओखे सींगन माहीं दसठे राजमुकुट अउर ओखे मूँड़ेन के ऊपर परमातिमा के निन्दा के नाम लिखे रहे हँय।

दरसनन के बातँय 13:14

ऊँ चमत्कार के कामन के कारन, जिनहीं पहिल खतरनाक जानबर के आँगे देखामँइ के अधिकार ओही दीन ग रहा हय; उआ धरती के रहँइ बालेन काहीं, इआमेर भरमाबत रहा हय, अउर उनसे इआ कहत रहा हय, कि जउने खतरनाक जानबर के तलबार लगी रही हय, उआ जिन्दा होइगा हय, ओखर मूरत बनाबा।

दरसनन के बातँय 13:17

जेखे ऊपर छाप अरथात उआ खतरनाक जानबर के नाम, इआ कि ओखे नाम के संख्या न होई, उआ लेन-देन नहीं कइ सकय।

दरसनन के बातँय 21:18

ओखर सहरपनाह यसब के बनी रही हय, अउर सहर अइसन सुद्ध सोने के रहा हय, जइसन स्वच्छ सीसा कि नाईं होय।

दरसनन के बातँय 4:6

अउर उआ सिंहासन के आस-पास सीसा कि नाईं चमकदार पारदर्सी समुद्र हय, अउर बीच माहीं सिंहासन के आस-पास चारठे जिन्दा प्रानी हें, जिनखे आँगे पीछे आँखिन-आँखी हईं।

दरसनन के बातँय 5:8

अउर जब ऊँ किताब लइ लिहिन, त ऊँ चारिव जिन्दा प्रानी, अउर चउबीसव अँगुआ, उआ मेम्ना के आँगे गिर परें; अउर हरेक के हाँथ माहीं बीना अउर महकँइ बाली चीजन से भरे, सोने के खोरबा रहे हँय, ईं त पबित्र लोगन के प्राथना आहीं।