दरसनन के बातँय 14:3 - Bagheli Bible

³ अउर ऊँ पंचे सिंहासन के आँगे, अउर चारिव प्रानिन अउर अँगुअन के आँगे, एकठे नबा गाना गाबत रहे हँय। अउर ऊँ एक लाख चवालिस हजार मनइन के अलाबा, जउन धरती के ऊपर से मोल लीन गे रहे हँय, कोऊ उआ गाना काहीं नहीं सिख सकत रहे आहीं।

दरसनन के बातँय 14:3 ပူးပေါင်းရင်းမြစ်များ

1 कुरिन्थियन 1:18

काहेकि मसीह के क्रूस माहीं बलिदान होंइ के खुसी के खबर, नास होंइ बाले मनइन के नजर माहीं मूर्खता आय, पय हमरे पंचन के खातिर जे कोऊ मुक्ती पाय रहेन हँय, उआ परमातिमा के सक्ती आय।

1 कुरिन्थियन 2:14

अउर परमातिमा जउने सच्चाई काहीं प्रगट किहिन हीं, संसारिक मनई ओही सोइकार नहीं करय, काहेकि ऊँ ओखे खातिर निछला मुरखईं के बातँय आहीं, अउर उआ उनहीं जानिव नहीं सकय, काहेकि ऊँ बातन काहीं केबल पबित्र आत्मय के द्वारा जाना जाय सकत हय।

दरसनन के बातँय 14:1

एखे बाद हम देखेन, कि मेम्ना सिय्योन पहार के ऊपर ठाढ़ हें, अउर उनखे साथ एक लाख चवालिस हजार मनई हें, जिनखे लिलारे माहीं उनखर, अउर उनखे बाप के नाम लिखा हय।

दरसनन के बातँय 15:3

ऊँ पंचे परमातिमा के दास मूसा के गीत, अउर मेम्ना के गीत गाय, गाइके कहत रहे हँय, “हे सर्बसक्तिमान प्रभू परमातिमा, अपना के काम महान अउर अचरज के हें; हे जाति-जाति के राजा, अपना के चाल ठीक अउर सच्ची हय।”

दरसनन के बातँय 2:17

अउर जेखर सुनँय के मन होय, उआ सुन लेय, कि पबित्र आत्मा मसीही मन्डलिन से का कहत हय; जे बिजय पाई, ओही हम, न देखाँइ बाले मन्ना म से देब; अउर ओही एकठे उजर पथरा घलाय देब; अउर उआ पथरा माहीं एकठे नाम घलाय लिखा होई, जेही ओही पामँइ बाले के अलाबा, अउर कोऊ न जानी।”

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।

दरसनन के बातँय 7:4

अउर जिनखे ऊपर मुहर लगाई गे रही हय, हम उनखर गिनती सुनेन, अरथात इजराइल के सन्तानन के सगले कुलन म से, एक लाख चवालिस हजार मनइन के ऊपर मुहर लगाई गे।