दरसनन के बातँय 14:2 - Bagheli Bible

² अउर स्वरग से हमहीं एकठे अइसन बोल सुनाई दिहिस, जउन पानी के खुब धारन कि नाईं, अउर बड़े गरजन कि नाईं रहा हय, अउर जउन बोल हम सुनेन, उआ अइसा रहा हय, जइसन बीना बजामँइ बाले बीना बजाय रहे होंय।

दरसनन के बातँय 14:2 ပူးပေါင်းရင်းမြစ်များ

1 कुरिन्थियन 13:1

मानि ल्या, कि अगर हमहीं इआ बरदान मिल जाय, कि हम मनइन के अउर स्वरगदूतन के सगली भाँसन काहीं बोल सकी, पय दुसरेन से प्रेम न रक्खी त हमहीं का फायदा होई? काहेकि हमार बोलब पीतल के खुब बड़ी घन्टी अउर झाँझ के बोल कि नाईं होई।

दरसनन के बातँय 1:10

हम प्रभू के दिन आत्मा माहीं आय गएन, अउर अपने पीछे तुरही कि नाईं बड़ा बोल इआ कहत सुनेन,

दरसनन के बातँय 1:15

अउर उनखर गोड़ उत्तम पीतल कि नाईं रहे हँय, जउन मानो भट्ठी माहीं तपाए गे होंय; अउर उनखर बोल, खुब पानी के बोल कि नाईं रहा हय।

दरसनन के बातँय 11:12

तब उनहीं स्वरग से एकठे बड़ा बोल सुनाई दिहिस, “इहाँ ऊपर आबा!” इआ सुनिके ऊँ पंचे बदरी के ऊपर सबार होइके, अपने बइरिन के देखत-देखत स्वरग माहीं चढ़िगें।

दरसनन के बातँय 11:15

अउर जब सतमा दूत तुरही फूँकिन, त स्वरग माहीं एखे बारे माहीं बड़े-बड़े बोल होंइ लागें, कि “संसार के राज हमरे पंचन के प्रभू के, अउर उनखे मसीह के होइ ग हय, अउर ऊँ जुगन-जुगन तक राज करिहँय।”

दरसनन के बातँय 15:2

अउर हम आगी से मिले सीसा कि नाईं, एकठे समुंद्र देखेन; अउर जउन मनई उआ खतरनाक जानबर के ऊपर, अउर ओखे मूरत के ऊपर, अउर ओखे संख्या के ऊपर बिजयी भे रहे हँय, उनहीं पंचन काहीं उआ सीसा के समुंद्र के लघे, परमातिमा के बीना काहीं लए ठाढ़ देखेन।

दरसनन के बातँय 18:22

अउर बीना बजामँइ बालेन, अउर गायकन, अउर बंसी बजामँइ बालेन, अउर तुरही फूँकँइ बालेन के बोल, पुनि कबहूँ तोरे भीतर सुनाई न देई; अउर कउनव चीजन के कारीगर घलाय पुनि कबहूँ तोरे भीतर न मिली; अउर चक्की के चलँइ के अबाज पुनि कबहूँ तोरे भीतर सुनाई न देई।

दरसनन के बातँय 5:8

अउर जब ऊँ किताब लइ लिहिन, त ऊँ चारिव जिन्दा प्रानी, अउर चउबीसव अँगुआ, उआ मेम्ना के आँगे गिर परें; अउर हरेक के हाँथ माहीं बीना अउर महकँइ बाली चीजन से भरे, सोने के खोरबा रहे हँय, ईं त पबित्र लोगन के प्राथना आहीं।

दरसनन के बातँय 6:1

पुनि हम देखेन, कि मेम्ना ऊँ सातव मुहरन म से एकठे काहीं खोलिन; अउर ऊँ चारिव प्रानिन म से एकठे के गरजँय कि नाईं बोल सुनान, कि “आबा!”

दरसनन के बातँय 8:7

पहिल स्वरगदूत तुरही फूँकिन, तब खून से मिले ओला अउर आगी उत्पन्न भे अउर धरती माहीं डारी गे; अउर धरती के एक तिहाई हिस्सा जरिगा, अउर एक तिहाई बिरबा जरिगें, अउर सगला हरिअर चारा घलाय जरिगा।