दरसनन के बातँय 13:6 - Bagheli Bible

⁶ एसे उआ परमातिमा के बुराई करँइ के खातिर मुँह खोलिस, कि उनखे नाम अउर उनखे तम्बू, अरथात स्वरग माहीं रहँइ बालेन के बुराई करय।

दरसनन के बातँय 13:6 ပူးပေါင်းရင်းမြစ်များ

मत्ती 12:34

हे साँप के बच्चन कि नाईं बुरे मनइव, तूँ पंचे बुरे होइके कइसन निकही बात कहि सकते हया? काहेकि जउन मन माहीं भरा हय, उहय मुँहे से निकरत हय।

मत्ती 15:19

काहेकि घिनहे बिचार करब, कतल करब, दुसरे के मेहेरिआ से नजायज सम्बन्ध रक्खब, ब्यभिचार करब, चोरी करब, लबरी गबाही देब, अउर दुसरे के बुराई करब, ईं सगली बातँय करँइ के बिचार मनय से निकरत हय।

यूहन्ना 1:14

अउर बचन मनई के रूप लइके संसार माहीं आएँ, अउर ऊँ किरपा अउर सच्चाई से भरपूर होइके, हमरे पंचन के बीच माहीं निबास किहिन, अउर हम पंचे उनखे महिमा काहीं, पिता परमातिमा के एकलउते लड़िका कि नाईं देखे हएन।

रोमियन 3:13

उनखे मुँहे से हमेसा बुराइन निकरत ही, जइसन खुली कब्र से दुर्गन्ध आबत ही, उनखे मुँह से हमेसा छल के बात निकरत ही, अउर उनखे मुँहे से साँप के बिस कि नाईं खतरनाक बातँय निकरती हईं।

कुलुस्सियन 1:19

काहेकि पिता परमातिमा के प्रसन्नता एहिन माहीं हय, कि उनहिन माहीं सगली भरपूरी निबास करय।

कुलुस्सियन 2:9

काहेकि परमातिमा अपने सगली भरपूरी के साथ मसीह माहीं निबास करत हें।

इब्रानियन 9:2

काहेकि इआ धरती माहीं एकठे तम्बू बनाबा ग रहा हय, जउने के पहिल भाग माहीं दिया धरँय के स्टैन्ड, अउर मेज, अउर भेंट के रोटी रही हँय, अउर उआ भाग पबित्र जघा कहाबत रही हय।

इब्रानियन 9:24

काहेकि मसीह, हाँथ के बनाए उआ महापबित्र जघा माहीं नहीं गें, जउन सच्चे महापबित्र जघा के नमूना के मुताबिक बनाई गे रही हय। बलकिन सीधे स्वरग माहीं चलेगें। जउने हमरे पंचन के खातिर स्वरग माहीं परमातिमा के आँगे हमेसा देखाई देंय।

दरसनन के बातँय 11:12

तब उनहीं स्वरग से एकठे बड़ा बोल सुनाई दिहिस, “इहाँ ऊपर आबा!” इआ सुनिके ऊँ पंचे बदरी के ऊपर सबार होइके, अपने बइरिन के देखत-देखत स्वरग माहीं चढ़िगें।

दरसनन के बातँय 12:12

इआ कारन, हे स्वरगव, अउर उनमा रहँइ बाल्या, आनन्द मनाबा; पय हे धरती, अउर समुंद्र तोंहरे ऊपर बड़ी भारी बिपत्ती आमँइ बाली हय! काहेकि सइतान बड़े क्रोध के साथ तोंहरे लघे उतरि आबा हय; काहेकि उआ जानत हय, कि ओखर थोरिन काहीं समय अउर बचा हय।

दरसनन के बातँय 15:5

एखे बाद हम देखेन, कि स्वरग माहीं करार के तम्बू के मन्दिर खोला ग।

दरसनन के बातँय 18:20

हे स्वरग, अउर हे सगले पबित्र मनइव, अउर यीसु के खास चेलव, अउर परमातिमा के सँदेस बतामँइ बालेव, ओखे ऊपर आनन्द करा, काहेकि परमातिमा न्याय कइके, ओसे तोंहार पंचन के बदला लिहिन हीं।”

दरसनन के बातँय 21:3

अउर हम सिंहासन म से, कोहू काहीं खुब चन्डे इआ कहत सुनेन, “देखा, परमातिमा के डेरा, मनइन के बीच माहीं हय, ऊँ उनखे साथ निबास करिहँय, अउर ऊँ पंचे उनखर लोग होइहँय, अउर परमातिमा खुद उनखे बीच माहीं रइहँय, अउर उनखर परमातिमा होइहँय।

दरसनन के बातँय 4:1

ईं बातन के बाद, जब हम नजर उठाइके देखेन, त का देखित हएन, कि स्वरग माहीं एकठे दुअरा खुला हय; अउर जेही हम पहिले तुरही कि नाईं अबाज से, अपने साथ बातँय करत सुने रहेन हय, उँइन कहत हें, कि “इहाँ ऊपर आय जा, अउर हम ऊँ बातँय तोंहईं देखाउब, जिनखर ईं बातन के बाद पूर होब जरूरी हय।”

दरसनन के बातँय 4:4

अउर उआ सिंहासन के चारिव कइती चउबिस सिंहासन हें; अउर ईं सिंहासनन के ऊपर चउबिस अँगुआ उजर ओन्हा पहिरे बइठ हें, अउर उनखे मूँड़ेन माहीं सोने के मुकुट हें।

दरसनन के बातँय 5:13

तब हम स्वरग माहीं, अउर धरती के ऊपर, अउर धरती के नीचे, अउर समुंद्र के बनाई सगली चीजन काहीं, अउर सब कुछ काहीं जउन उन माहीं हँय, इआ कहत सुनेन, कि जउन सिंहासन के ऊपर बइठ हें, उनखर, अउर मेम्ना के धन्यबाद, अउर मान-सम्मान, अउर महिमा अउर राज, जुगन-जुगन तक रहय।

दरसनन के बातँय 7:15

इहय कारन से ऊँ पंचे परमातिमा के सिंहासन के आँगे हें, अउर उनखे मन्दिर माहीं दिन-रात उनखर सेबा करत हें, अउर जउन सिंहासन माहीं बइठ हें, ऊँ उनखे ऊपर आपन तम्बू ठाढ़ करिहँय।

दरसनन के बातँय 7:9

एखे बाद हम देखेन, कि हरेक जाति, अउर कुल, अउर लोग अउर भाँसा म से एकठे अइसन बड़ी भीड़, जउने काहीं कोऊ गिन नहीं सकत रहा आय, उजर ओन्हा पहिरे, अउर अपने हाँथेन माहीं खजूर के डेरइअन काहीं लए, सिंहासन के आँगे, अउर मेम्ना के आँगे ठाढ़ रही ही।