दरसनन के बातँय 13:3 - Bagheli Bible

³ अउर हम ओखे मूँड़ेन म से, एकठे के ऊपर अइसन भयानक घाव लगा देखेन, त अइसन लागत रहा हय, कि उआ मरइन बाला हय; ओखे बाद ओखर जानलेबा घाव निकहा होइगा, अउर सगले धरती के मनई उआ खतरनाक जानबर के पीछे-पीछे अचरज मानत चलें।

दरसनन के बातँय 13:3 ပူးပေါင်းရင်းမြစ်များ

लूका 2:1

उँइन दिनन माहीं रोम देस के महाराजा अवगुस्तुस इआ हुकुम दिहिन, कि सगले रोम राज के मनइन के गिनती कीन जाय।

यूहन्ना 12:19

तब फरीसी लोग आपस माहीं कहिन, “सोचा तूँ पंचे कुछू नहीं कए पउते आह्या, देखा, खुब मनई उनखर चेला बन रहे हँय।”

खास चेलन 8:13

तब समौन खुदय उनखे ऊपर बिसुआस किहिस, अउर बपतिस्मा लइके फिलिप्पुस के साथ रहँइ लाग, अउर उनखे द्वारा चमत्कार अउर बड़े-बड़े सामर्थ के काम होत देखिके, चउआय जात रहा हय।

दरसनन के बातँय 13:12

इआ दूसर खतरनाक जानबर, उआ पहिल खतरनाक जानबर के सगला अधिकार ओखे आँगे काम माहीं लाबत रहा हय, अउर धरती अउर ओमाहीं रहँइ बालेन से, उआ पहिल खतरनाक जानबर के जेखर जानलेबा घाव निकहा होइगा रहा हय, अराधना कराबत रहा हय।

दरसनन के बातँय 13:14

ऊँ चमत्कार के कामन के कारन, जिनहीं पहिल खतरनाक जानबर के आँगे देखामँइ के अधिकार ओही दीन ग रहा हय; उआ धरती के रहँइ बालेन काहीं, इआमेर भरमाबत रहा हय, अउर उनसे इआ कहत रहा हय, कि जउने खतरनाक जानबर के तलबार लगी रही हय, उआ जिन्दा होइगा हय, ओखर मूरत बनाबा।

दरसनन के बातँय 17:10

ऊँ सातठे राजा घलाय आहीं, उनमा से पाँच जनेन के बिनास होइ चुका हय, अउर एकठे अबे हय, अउर एकठे अबे तक आबा नहीं, अउर जब अई त कुछ समय तक ओखर रहब घलाय जरूरी हय।

दरसनन के बातँय 17:11

जउन खतरनाक जानबर पहिले रहा हय, अउर अब नहिं आय, उआ खुदय अठमाँ आय, अउर उआ ऊँ सतहूँ म से पइदा भ हय, अउर बिनास माहीं परी।

दरसनन के बातँय 17:13

ईं पंचे सब एकय मन होइहँय, अउर ऊँ पंचे आपन-आपन सक्ती अउर अधिकार उआ खतरनाक जानबर काहीं देइहँय।

दरसनन के बातँय 17:17

काहेकि परमातिमा, उनखे मन माहीं इआ बिचार डरिहँय, कि ऊँ पंचे उनखे मरजी काहीं पूर करँय, अउर जब तक परमातिमा के बचन पूर न होइ जाय, तब तक एक मन होइके आपन-आपन राज, उआ खतरनाक जानबर काहीं दइ देंय।

दरसनन के बातँय 17:6

अउर हम उआ मेहेरिआ काहीं, पबित्र लोगन के खून, अउर यीसु के गबाहन के खून पिए से मतबार देखेन; अउर ओही देखिके हम चउआय गएन।

दरसनन के बातँय 17:8

जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।