दरसनन के बातँय 13:10 - Bagheli Bible

¹⁰ जेही जेल माहीं बन्द होंइ क हय, उआ जेल माहीं बन्द होई; जे कोऊ तलबार से मारी, उआ जरूर तलबार से मारा जई, अब पबित्र मनइन काहीं धीरज धरँय, अउर सताव काहीं सहत बिसुआस माहीं बने रहँय के समय हय।

दरसनन के बातँय 13:10 ပူးပေါင်းရင်းမြစ်များ

दरसनन के बातँय 14:12

इआ पबित्र मनइन के धीरज धरँय के समय हय, जउन परमातिमा के हुकुमन काहीं मानत हें, अउर यीसु के ऊपर बिसुआस करत हें।

दरसनन के बातँय 3:10

हम तोंहईं धीरज धरँय के खातिर कहेन तय, त तूँ धीरज धरे हया, एसे हमहूँ तोंहईं परिच्छा के उआ समय बचाइके रक्खब, जउन धरती माहीं रहँइ बालेन के जाँचय-परखँय के खातिर, सगले संसार माहीं आमँइ बाली हय।

लूका 21:19

अउर अपने सहनसीलता के कारन तूँ पंचे अपने प्रानन काहीं बचाए रइहा।”

इब्रानियन 6:12

अउर हम पंचे इआ नहीं चाही, कि तूँ पंचे आलसी बना, बलकिन तूँ पंचे उनखे कि नाईं जीबन बिताबा, जउन बिसुआस अउर धीरज के द्वारा परमातिमा के वादन के बारिसदार बन जात हें।

दरसनन के बातँय 2:2

हम तोंहरे काम, अउर मेहनत, अउर तोंहरे धीरज काहीं जानित हएन; अउर इहव घलाय, कि तूँ बुरे मनइन काहीं बरदास नहीं कइ सकते आह्या, अउर जउन अपने-आप काहीं यीसु मसीह के खास चेला कहत हें, अउर आहीं न, उनहीं पंचन काहीं घलाय तूँ जाँच परखिके लबरा पाया हय।

मत्ती 26:52

तब यीसु उनसे कहिन, कि “आपन तलबार म्यान माहीं रख ल्या, काहेकि जे कोऊ तलबार चलाबत हें, ऊँ सगले जन तलबार से मारे जइहँय।

दरसनन के बातँय 16:6

काहेकि ऊँ पंचे पबित्र लोगन के, अउर अपना के सँदेस बतामँइ बालेन के खून बहाइन रहा हय, अउर अपना उनहीं खून पिआएन हय, काहेकि ऊँ पंचे एहिन के काबिल हें।”

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 3:3

एसे सुधि करा, कि तूँ कइसन सिच्छा पाया तय, अउर सुने रहे हया, ओहिन माहीं बने रहा, अउर पस्चाताप करा, अगर तूँ जागत न रइहा, त हम चोर कि नाईं आय जाब, अउर तूँ बेलकुल न जाने पइहा, कि हम कउने घरी, तोंहरे ऊपर आय परब।

दरसनन के बातँय 2:19

हम तोंहरे कामन, अउर प्रेम, अउर बिसुआस, अउर सेबा, अउर धीरज काहीं जानित हएन, अउर इहव जानित हएन, कि तोंहार पिछले काम, पहिल कामन से बढ़िके हें।

कुलुस्सियन 1:11

अउर परमातिमा के महिमामय सक्ती के मुताबिक हरेकमेर के सामर्थ से मजबूत होइजा, जउने दुख-मुसीबत के समय आनन्द के साथ हरेकमेर से धीरज अउर सहनसीलता देखाय सका।

मत्ती 7:2

काहेकि जइसन तूँ पंचे दुसरेन के ऊपर दोस लगउते हया, उहयमेर तोंहरेव पंचन के ऊपर घलाय दोस लगाबा जई; अउर जउने नाप से तूँ पंचे दुसरेन काहीं नपते हया, उहय नाप से तोंहरेव खातिर नापा जई।

दरसनन के बातँय 11:18

अउर गैरयहूदी लोग क्रोध किहिन, अउर अपना के कोप आय पहुँचा हय, अउर उआ समय आइगा हय, कि मरे मनइन के न्याय कीन जाय, अउर अपना के सँदेस बतामँइ बाले सेबकन अउर पबित्र मनइन काहीं, अउर उन छोट-बड़ेन काहीं जउन अपना के नाम से डेरात हें, बदला दीन जाय, अउर धरती के बिगाड़ँइ बाले नास कीन जाँय।”

दरसनन के बातँय 17:8

जउने खतरनाक जानबर काहीं तूँ देखे हया, उआ पहिले त रहा हय, पय अब नहिं आय, अउर उआ अथाह कुन्ड से निकरिके बिनास माहीं परी; अउर धरती के रहँइ बाले, जिनखर नाम, संसार के सुरुआत से जीबन के किताब माहीं नहीं लिखे गें, इआ खतरनाक जानबर के इआ दसा काहीं देखिके, कि पहिले रहा हय, अब नहिं आय, अउर पुनि आय जई, अचरज मनि हँय।

दरसनन के बातँय 17:11

जउन खतरनाक जानबर पहिले रहा हय, अउर अब नहिं आय, उआ खुदय अठमाँ आय, अउर उआ ऊँ सतहूँ म से पइदा भ हय, अउर बिनास माहीं परी।