दरसनन के बातँय 13:1 - Bagheli Bible

¹ तब हम एकठे खतरनाक जानबर काहीं समुंद्र से निकरत देखेन, ओखे दसठे सींग अउर सातठे मूँड़ रहे हँय; ओखे सींगन माहीं दसठे राजमुकुट अउर ओखे मूँड़ेन के ऊपर परमातिमा के निन्दा के नाम लिखे रहे हँय।

दरसनन के बातँय 13:1 ပူးပေါင်းရင်းမြစ်များ

दरसनन के बातँय 11:7

अउर जब ऊँ पंचे आपन गबाही दइ चुकिहँय, तब उआ खतरनाक जानबर जउन अथाह कुन्ड म से निकरी, उनसे लड़िके उनहीं हराय देई, अउर उनहीं मारि डारी।

दरसनन के बातँय 12:3

एकठे अउर चिन्ह स्वरग माहीं देखाई दिहिस; अउर देखा, एकठे बड़ा भारी लाल अजिगर रहा हय, जेखे सातठे मूँड़ अउर दसठे सींग रहे हँय, अउर ओखे मूँड़ेन माहीं सातठे राजमुकुट रहे हँय।

दरसनन के बातँय 13:11

ओखे बाद हम एकठे दूसर खतरनाक जानबर काहीं, धरती म से निकरत देखेन, ओखे मेम्ना कि नाईं दुइठे सींग रही हँय; अउर उआ अजिगर कि नाईं बोलत रहा हय।

दरसनन के बातँय 13:14

ऊँ चमत्कार के कामन के कारन, जिनहीं पहिल खतरनाक जानबर के आँगे देखामँइ के अधिकार ओही दीन ग रहा हय; उआ धरती के रहँइ बालेन काहीं, इआमेर भरमाबत रहा हय, अउर उनसे इआ कहत रहा हय, कि जउने खतरनाक जानबर के तलबार लगी रही हय, उआ जिन्दा होइगा हय, ओखर मूरत बनाबा।

दरसनन के बातँय 13:15

अउर उआ दूसर खतरनाक जानबर काहीं, उआ खतरनाक जानबर के मूरत माहीं प्रान डारँइ के अधिकार दीन ग, कि खतरनाक जानबर के मूरत बोलँइ लागय; अउर जेतने मनई उआ खतरनाक जानबर के मूरत के अराधना न करिहँय, उनहीं मरबाय डारय।

दरसनन के बातँय 15:2

अउर हम आगी से मिले सीसा कि नाईं, एकठे समुंद्र देखेन; अउर जउन मनई उआ खतरनाक जानबर के ऊपर, अउर ओखे मूरत के ऊपर, अउर ओखे संख्या के ऊपर बिजयी भे रहे हँय, उनहीं पंचन काहीं उआ सीसा के समुंद्र के लघे, परमातिमा के बीना काहीं लए ठाढ़ देखेन।

दरसनन के बातँय 16:13

अउर हम उआ अजिगर के मुँहे से, अउर उआ खतरनाक जानबर के मुँहे से, अउर परमातिमा के लबरी सँदेस बतामँइ बाले के मुँहे से, तीनठे असुद्ध आत्मन काहीं गुलरन के रूप माहीं निकरत देखेन।

दरसनन के बातँय 17:16

जउन दसठे सींग तूँ देखे हया, ऊँ पंचे, अउर खतरनाक जानबर, उआ बेस्या से दुसमनी रखिहँय, अउर ओही लाचार अउर नंगी कइ देइहँय, अउर ओखर माँस खाय जइहँय, अउर ओही आगी माहीं जराय देइहँय।

दरसनन के बातँय 17:3

त ऊँ हमहीं पबित्र आत्मा माहीं, सुनसान जघा माहीं लइगें, अउर हम लाल रंग के खतरनाक जानबर के ऊपर, जउन परमातिमा के बुराई के सब्दन से भरा रहा हय, अउर जेखे सातठे मूँड़ अउर दसठे सींग रही हँय, एकठे मेहेरिआ काहीं बइठे देखेन।

दरसनन के बातँय 17:5

अउर ओखे लिलारे माहीं इआ नाम लिखा रहा हय, “भेद-बड़ा बेबीलोन, धरती के बेस्यन, अउर घिनही चीजन के महतारी।”

दरसनन के बातँय 19:19

पुनि हम उआ खतरनाक जानबर, अउर धरती के राजन, अउर उनखे सेनन काहीं, उआ घोड़ा के सबार, अउर उनखे सेना से लड़ँइ के खातिर एकट्ठा देखेन।