दरसनन के बातँय 12:8 - Bagheli Bible

⁸ पय जीत नहीं पाएँ, अउर स्वरग माहीं उनखे खातिर पुनि जघा नहीं रहिगे।

दरसनन के बातँय 12:8 ပူးပေါင်းရင်းမြစ်များ

मत्ती 16:18

अउर हमहूँ तोंहसे कहित हएन, कि तूँ पतरस आह्या, अउर हम इआ पथरा के ऊपर आपन मसीही मन्डली बनाउब, अउर ओही कउनव बइरी इहाँ तक कि अधोलोक घलाय हराय न पाई।

खास चेलन 1:25

कि उआ, इआ सेबकाई अउर यीसु मसीह के खास चेला होंइ के पद लेय, जउने जघा काहीं यहूदा छोंड़िके चला ग हय।”

यहूदा 1:6

अउर हम तोंहईं पंचन काहीं इहव सुध देबामँइ चाहित हएन, कि जउन स्वरगदूत, अपने पद काहीं निकहा से नहीं सम्हारे पाइन रहा आय, अउर अपने खुद के रहँइ के जघा काहीं छोंड़ि दिहिन रहा हय, प्रभू उनहूँ पंचन काहीं, उआ भयंकर न्याय के दिन के खातिर, सँकरिन माहीं बाँधिके, कबहूँ न खतम होंइ बाले अँधिआर माहीं रक्खे हें।

दरसनन के बातँय 12:11

अउर ऊँ पंचे मेम्ना के खून के कारन, अउर अपने गबाही के बचन के कारन, सइतान के ऊपर बिजयी भें हँय, अउर ऊँ पंचे अपने प्रानन काहीं पियार नहीं जानिन, इहाँ तक कि मउत घलाय सहि लिहिन।

दरसनन के बातँय 12:7

ओखे बाद स्वरग माहीं लड़ाई भे, मीकाईल अउर उनखर स्वरगदूत अजिगर से लड़ँइ काहीं निकरें, अउर अजिगर अउर ओखर दूत उनसे लड़ें।

दरसनन के बातँय 12:9

तब उआ बड़ा भारी अजिगर, अरथात उहय पुरान साँप, जउन इबलीस अउर सइतान कहाबत हय, अउर सगले संसार काहीं भरमामँइ बाला, धरती माहीं गिराय दीन ग; अउर ओखर दूत घलाय ओखे साथ गिराय दीनगें।

दरसनन के बातँय 20:11

ओखे बाद हम एकठे बड़ा उजर सिंहासन, अउर उनहीं, जउन ओखे ऊपर बइठ रहे हँय, देखेन; उनखे आँगे से धरती अउर अकास भागिगें, अउर उनखे खातिर जघा नहीं मिली।