दरसनन के बातँय 12:1 - Bagheli Bible

¹ ओखे बाद स्वरग माहीं एकठे बड़ा चिन्ह देखाई दिहिस, अरथात एकठे मेहेरिआ, जउन सुरिज ओढ़े रही हय, अउर जोंधइआ ओखे गोड़े के नीचे रही हय, अउर ओखे मूँड़े माहीं बारा तरइअन के मुकुट रहा हय।

दरसनन के बातँय 12:1 ပူးပေါင်းရင်းမြစ်များ

मत्ती 12:38

इआ बात काहीं सुनिके मूसा के बिधान सिखामँइ बाले कुछ जने, अउर कुछ फरीसी लोग यीसु से कहिन, “हे गुरू, हम अपना से एकठे अदभुत चिन्हारी देखँइ चाहित हएन।”

मत्ती 24:30

तब मनई के लड़िका के आमँइ के चिन्हारी, अकास माहीं देखाई देई, अउर धरती माहीं रहँइ बाले सगले कुलन के मनई बड़ा बिलाप करिहँय, अउर मनई के लड़िका काहीं अपार सक्ती अउर महिमा के साथ, अकास के बदरिन माहीं आबत देखिहँय।

मरकुस 13:25

अउर अकास से तरइया गिरँय लगिहँय; अउर अकास के सगली चीजँय हलाई जइहँय।

लूका 21:11

अउर बड़े-बड़े भुँइडोल होइहँय, अउर हरेक जघन माहीं अकाल परिहँय, अउर महामारी फइलिहँय, अउर अकास माहीं भयानक बातँय अउर बड़ी-बड़ी अदभुत चिन्हारी देखाई देइहँय।

लूका 21:25

यीसु इहव कहिन “सुरिज, जोंधइआ, अउर तरइअन माहीं अदभुत चिन्ह देखाई देइहँय; अउर धरती म रहँइ बाले सगले जाति के मनइन काहीं कस्ट अउर मुसीबत होई, काहेकि समुद्र माहीं बाढ़ आमँइ से, अउर ओखे लहरन के अबाज से सगले मनई घबराय जइहँय।

यूहन्ना 3:29

दुलहा उहय आय जेही दुलहिन मिलत ही। पय दुलहा के साथी जउन दुलहा के बोल काहीं सुनत हय, त खुब खुस होत हय; उहयमेर तोंहसे उनखे बारे माहीं सुनिके अब हमार इआ आनन्द पूर होइगा हय।

खास चेलन 2:19

अउर हम ऊपर अकास माहीं अचरज के काम, अउर नीचे धरती माहीं चमत्कार देखाउब, अरथात खून, आगी अउर धुँआ के बदरी।

रोमियन 13:14

बलकिन हम पंचे प्रभू यीसु मसीह के सगले सुभाव काहीं अपनाय लेई, अउर अपने मन के बुरी इच्छन काहीं पूर करँइ के कोसिस न करी।

रोमियन 3:22

जउन मनई यीसु मसीह के ऊपर बिसुआस करत हें, उनहीं परमातिमा अपने नजर माहीं निरदोस बनाबत हें, एमाहीं कुछू भेदभाव नहिं आय, इआ मुक्ती उन सगलेन के खातिर आय, जउन यीसु मसीह के ऊपर बिसुआस करत हें।

2 कुरिन्थियन 11:2

काहेकि हम तोंहरे खातिर, परमातिमा कि नाईं चिन्ता करित हएन, एसे कि हम तोंहार पंचन के सगाई एकयठे मनई से अरथात मसीह यीसु से कराय दिहेन हय, कि जउने हम तोंहईं पंचन काहीं पबित्र कुमारी कन्या कि नाईं उनहिन काहीं सउँपि देई।

गलातियन 3:27

अउर तोंहरे पंचन म से जेतने जन मसीह यीसु के ऊपर बिसुआस कइके बपतिस्मा लिहिन हीं, ऊँ पंचे सगले जन मसीह के सगले सुभाव काहीं अपनाय लिहिन हीं, जइसन मनई नबा ओन्हा पहिरत हें,

गलातियन 4:26

पय उआ दूसर मेहेरिआ सारा, जउन हमार पंचन के महतारी आय, स्वरग माहीं स्थित यरूसलेम सहर के प्रतीक आय, अउर उआ अजाद हय।

गलातियन 6:14

पय हम पंचे केबल प्रभू यीसु मसीह के क्रूस के बलिदान माहीं घमन्ड करी, कउनव दुसरे बात माहीं नहीं, जउने के व्दारा हम संसार के खातिर मर गएन हय, अउर संसार हमरे खातिर।

इफीसियन 5:32

अउर हम पंचे जानित हएन, कि इआ भेद खुब बड़ा हय; पय हम मसीह, अउर मसीही मन्डली के बारे माहीं कहित हएन।

दरसनन के बातँय 1:20

अउर ऊँ सातव तरइअन के भेद, जिनहीं तूँ हमरे दहिने हाँथ माहीं देख रहे हया, अउर ऊँ सातव सोने के दीबटन के भेद, ऊँ सातठे तरइया, सातव मसीही मन्डलिन के दूत आहीं, अउर ऊँ सातव दीबट, सातठे मसीही मन्डली आहीं।”

दरसनन के बातँय 11:19

तब परमातिमा के जउन मन्दिर स्वरग माहीं हय, उआ खोला ग, अउर उनखे मन्दिर माहीं, उनखे करार के सन्दूख देखाई दिहिस, अउर बिजुली अउर बोल अउर गरजब अउर भुँइडोल भें, अउर बड़े-बड़े ओला गिरें।

दरसनन के बातँय 12:3

एकठे अउर चिन्ह स्वरग माहीं देखाई दिहिस; अउर देखा, एकठे बड़ा भारी लाल अजिगर रहा हय, जेखे सातठे मूँड़ अउर दसठे सींग रहे हँय, अउर ओखे मूँड़ेन माहीं सातठे राजमुकुट रहे हँय।

दरसनन के बातँय 15:1

पुनि हम स्वरग माहीं एकठे अउर बड़ी, अउर अदभुत चिन्हारी देखेन, अरथात सातठे स्वरगदूत, जिनखे लघे सतहूँ आखिरी बिपत्ती रही हँय, काहेकि उनखे खतम होइ जाँय के बादय, परमातिमा के कोप पूर होइ जई।

दरसनन के बातँय 21:14

सहर के सहरपनाह के बाराठे नेव रही हँय, अउर उनखे ऊपर मेम्ना के बरहूँ खास चेलन के बरहूँ नाम लिखे रहे हँय।

दरसनन के बातँय 21:23

उआ सहर माहीं सुरिज अउर जोंधइआ के उँजिआर के जरूरत नहिं आय, काहेकि परमातिमा के तेज से, ओमाहीं उँजिआर होइ रहा हय, अउर मेम्ना ओखर दीपक आहीं।