दरसनन के बातँय 11:9 - Bagheli Bible

⁹ अउर सगले मनइन, अउर कुलन, अउर भाँसन, अउर जातिअन म से मनई उनखे लहासन काहीं साढ़े तीन दिना तक देखत रइहँय, अउर उनखे लहासन काहीं कब्र माहीं धरँय न देइहँय।

दरसनन के बातँय 11:9 ပူးပေါင်းရင်းမြစ်များ

मत्ती 7:2

काहेकि जइसन तूँ पंचे दुसरेन के ऊपर दोस लगउते हया, उहयमेर तोंहरेव पंचन के ऊपर घलाय दोस लगाबा जई; अउर जउने नाप से तूँ पंचे दुसरेन काहीं नपते हया, उहय नाप से तोंहरेव खातिर नापा जई।

दरसनन के बातँय 10:11

तब हमसे इआ कहा ग, “तोहईं, खुब मनइन, अउर जातिअन, अउर भाँसन, अउर राजन के बारे माहीं पुनि भबिस्यबानी करँय परी।”

दरसनन के बातँय 11:11

पय साढ़े तीन दिना के बाद, परमातिमा के तरफ से जीबन के साँस उन माहीं समाइगे, अउर ऊँ पंचे अपने गोड़े के बल ठाढ़ होइगें, अउर उनहीं देखँइ बालेन के ऊपर बड़ा भय छाइगा।

दरसनन के बातँय 13:7

अउर उआ खतरनाक जानबर काहीं इआ अधिकार दीन ग, कि पबित्र मनइन से लड़य, अउर उनसे जीत जाय, अउर ओही हरेक कुल, अउर लोग, अउर भाँसा, अउर जाति के ऊपर अधिकार दीन ग।

दरसनन के बातँय 17:15

पुनि ऊँ स्वरगदूत हमसे कहिन, “जउन पानी तूँ देखे हया, जेखे ऊपर बेस्या बइठ ही, ऊँ पंचे त मनई, अउर भीड़, अउर सगली जाति, अउर सगली भाँसा आहीं।

दरसनन के बातँय 5:8

अउर जब ऊँ किताब लइ लिहिन, त ऊँ चारिव जिन्दा प्रानी, अउर चउबीसव अँगुआ, उआ मेम्ना के आँगे गिर परें; अउर हरेक के हाँथ माहीं बीना अउर महकँइ बाली चीजन से भरे, सोने के खोरबा रहे हँय, ईं त पबित्र लोगन के प्राथना आहीं।

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।