दरसनन के बातँय 11:8 - Bagheli Bible

⁸ उनखर लहासँय उआ बड़े सहर के चउराहा माहीं परी रइहँय, जउन आत्मिक रीति से सदोम अउर मिस्र कहाबत हय, जहाँ उनखर प्रभू घलाय क्रूस माहीं चढ़ाए गे रहे हँय।

दरसनन के बातँय 11:8 ပူးပေါင်းရင်းမြစ်များ

मत्ती 10:15

हम तोंहसे सही कहित हएन, कि जब परमातिमा न्याय करिहँय, उआ दिन, उआ सहर के दुरदसा, सदोम अउर अमोरा सहर से जादा होई।”

खास चेलन 9:4

अउर ऊँ भुँइ माहीं गिर परें, अउर इआ बोल सुनिन, कि “हे साऊल, हे साऊल, तूँ हमहीं काहे सतउते हया?”

इब्रानियन 13:12

इहय कारन यीसु घलाय, अपनेन खून के द्वारा मनइन काहीं पबित्र करँइ के खातिर, यरूसलेम सहर के फाटक के बहिरे क्रूस के दुख सहिन हीं।

इब्रानियन 6:6

अगर ऊँ पंचे बिसुआस से भटक जाँय; त उनखे मनन काहीं बदलिके पुनि बिसुआस माहीं लइ आउब असम्भव हय; काहेकि ऊँ पंचे परमातिमा के लड़िका काहीं, अपने खातिर पुनि क्रूस के ऊपर चढ़ाबत हें, अउर खुले आम उनखे ऊपर कलंक लगाबत हें।

2 पतरस 2:6

अउर पाप से भरे सदोम अउर अमोरा सहरन काहीं, बिनास के अइसन सजा दिहिन, कि उनहीं भसम कइके राख माहीं मिलाय दिहिन, जउने आमँइ बाले समय माहीं, परमातिमा के बचन काहीं न मानँइ बाले, मनइन के सिच्छा के खातिर एकठे उदाहरन बनय।

यहूदा 1:7

अउर इहइमेर से हम तोंहईं पंचन काहीं इहव बतामँइ चाहित हएन, कि कउनमेर से सदोम अउर अमोरा सहरन के अउर उनखे आस-पास के सहरन के मनई, ईंन स्वरगदूतन कि नाईं ब्यभिचार करँइ बाले होइगे रहे हँय, अउर बुरी बासनन के पीछे भागत रहे हँय, त प्रभू उनहीं कबहूँ न बुझाँय बाली आगी माहीं डारिके नास कइ दिहिन रहा हय, जउन हमरे पंचन के खातिर उदाहरन बनिगें हँय।

दरसनन के बातँय 11:13

फेर उहय समय एकठे बड़ा भुँइडोल भ, अउर सहर के दसमा हिस्सा गिर परा; अउर उआ भुँइडोल से सात हजार मनई मरिगें, अउर बाँकी डेराइगें, अउर स्वरग के परमातिमा के बड़ाई किहिन।

दरसनन के बातँय 11:9

अउर सगले मनइन, अउर कुलन, अउर भाँसन, अउर जातिअन म से मनई उनखे लहासन काहीं साढ़े तीन दिना तक देखत रइहँय, अउर उनखे लहासन काहीं कब्र माहीं धरँय न देइहँय।

दरसनन के बातँय 14:20

अउर सहर के बाहर उआ रसकुन्ड माहीं अंगूर रउँदे गें, अउर रसकुन्ड म से एतना खून निकरा, कि घोड़न के करिआरी तक पहुँचिगा, अउर तीन सव किलोमीटर तक बहिगा।

दरसनन के बातँय 14:8

एखे बाद पुनि एकठे अउर, दूसर स्वरगदूत इआ कहत आएँ, “गिर परा, उआ बड़ा बेबीलोन सहर गिर परा, जउन अपने ब्यभिचार के क्रोध भरी मदिरा, सगली जातिअन काहीं पिआइस ही।”

दरसनन के बातँय 16:19

एसे उआ बड़े सहर के तीन भाग होइगें, अउर हरेक जातिअन के सहर गिर परें; अउर बड़े बेबीलोन के स्मरन परमातिमा के इहाँ भ, कि ऊँ अपने क्रोध के जलजलाहट के मदिरा ओही पिआमँइ।

दरसनन के बातँय 17:1

अउर जउने सातठे स्वरगदूतन के लघे ऊँ सातठे खोरबा रहे हँय, उनमा से एक जने आइके हमसे इआ कहिन, “इहाँ आबा, हम तोंहईं उआ बड़ी बेस्या के सजा देखाई, जउन खुब पानी माहीं बइठ ही,

दरसनन के बातँय 17:18

उआ मेहेरिआ, जउने काहीं तूँ देखे हया, उआ बड़ा सहर आय, जउन धरती के राजन के ऊपर राज करत हय।”

दरसनन के बातँय 17:5

अउर ओखे लिलारे माहीं इआ नाम लिखा रहा हय, “भेद-बड़ा बेबीलोन, धरती के बेस्यन, अउर घिनही चीजन के महतारी।”

दरसनन के बातँय 18:10

ओखे पीरा के डेरन के मारे ऊँ पंचे खुब दूरी ठाढ़ होइके कइहँय, ‘हे बड़े सहर, बेबीलोन! हे सक्तिसाली सहर, हाय! हाय! घरी भर माहीं तोही सजा मिलिगे ही’।

दरसनन के बातँय 18:18

ओखे जरँय के धुँआ देखत गोहराइके कइहँय, ‘कउन सहर इआ बड़े सहर कि नाईं हय?’

दरसनन के बातँय 18:2

ऊँ खुब चन्डे गोहराइके कहिन, “गिरिगा, बड़ा बेबीलोन सहर गिरिगा हय, बुरी आत्मन के निबास, अउर हरेक असुद्ध आत्मन के अड्डा, अउर हरेक असुद्ध अउर घिनहे पंछिन के अड्डा होइगा हय।

दरसनन के बातँय 18:21

ओखे बाद एकठे बलमान स्वरगदूत बड़ी चक्की के जतबा कि नाईं एकठे पथरा उठाइन, अउर इआ कहिके समुंद्र माहीं फेंक दिहिन, “बड़ा सहर बेबीलोन इहइमेर बड़े बल से गिराबा जई, अउर पुनि ओखर कबहूँ पता न चली।

दरसनन के बातँय 18:24

अउर परमातिमा के सँदेस बतामँइ बालेन, अउर पबित्र मनइन, अउर धरती के ऊपर सगले कतल कीन गें, मनइन के खून बेबीलोन माहीं पाबा ग।”