दरसनन के बातँय 11:7 - Bagheli Bible

⁷ अउर जब ऊँ पंचे आपन गबाही दइ चुकिहँय, तब उआ खतरनाक जानबर जउन अथाह कुन्ड म से निकरी, उनसे लड़िके उनहीं हराय देई, अउर उनहीं मारि डारी।

दरसनन के बातँय 11:7 ပူးပေါင်းရင်းမြစ်များ

लूका 13:32

यीसु उनसे कहिन, “जाइके उआ लोखरी कि नाईं हुसिआर मनई से कहि द्या, कि देख, हम आज अउर काल्ह बुरी आत्मन काहीं निकारब, अउर बिमारन काहीं नीक करब, अउर तिसरे दिन आपन काम पूर करब।

लूका 8:31

अउर ऊँ बुरी आत्मा यीसु से खुब चरउरी किहिन, कि हमहीं अथाह कुन्ड माहीं जाँइ के हुकुम न देई।

यूहन्ना 17:4

जउन काम अपना हमहीं करँइ के खातिर दिहेन रहा हय, उनहीं पूर कइके, हम धरती के ऊपर मनइन काहीं देखाय दिहेन हय, कि अपना केतना महान हएन।

यूहन्ना 19:30

जब यीसु उआ सिरका पीन, तब कहिन, “पूर होइगा।” अउर ऊँ आपन मूँड़ नीचे काहीं झुकाइके, प्रान छोंड़ दिहिन।

खास चेलन 20:24

पय हम अपने प्रान काहीं कुछू नहीं समझी, कि ओही पियार जानी, बलकिन इआ, कि हम अपने दउड़ अउर उआ सेबकाई काहीं पूर करी, जउन हम परमातिमा के किरपा के खुसी के खबर के गबाही देंइ के खातिर प्रभू यीसु से पाएन हय।

2 तीमुथियुस 4:7

जइसन एकठे पहिलमान नेम से कुस्ती लड़िके जीतके इनाम पाबत हय, उहयमेर जउन काम परमातिमा हमहीं दिहिन रहा हय, ओही हम निकहा से पूर कइ चुकेन हय, अउर हम उआ काम काहीं पूरे बिसुआस के साथ किहेन हय।

दरसनन के बातँय 11:3

अउर हम अपने दुइठे गबाहन काहीं इआ अधिकार देब, कि टाट ओढ़े, एक हजार दुइ सव साठ दिन तक भबिस्यबानी करँय।”

दरसनन के बातँय 12:17

तब अजिगर उआ मेहेरिआ के ऊपर क्रोधित भ, अउर ओखे बची सन्तान से, जउन परमातिमा के हुकुमन काहीं मानत रहे हँय, अउर यीसु के गबाही देंइ माहीं स्थिर रहे हँय, उनसे लड़ँय काहीं ग।

दरसनन के बातँय 13:11

ओखे बाद हम एकठे दूसर खतरनाक जानबर काहीं, धरती म से निकरत देखेन, ओखे मेम्ना कि नाईं दुइठे सींग रही हँय; अउर उआ अजिगर कि नाईं बोलत रहा हय।

दरसनन के बातँय 13:7

अउर उआ खतरनाक जानबर काहीं इआ अधिकार दीन ग, कि पबित्र मनइन से लड़य, अउर उनसे जीत जाय, अउर ओही हरेक कुल, अउर लोग, अउर भाँसा, अउर जाति के ऊपर अधिकार दीन ग।