दरसनन के बातँय 11:4 - Bagheli Bible

⁴ ईं गबाह उँइन जयतून के दुइठे बिरबा, अउर दुइठे दीबट आहीं, जउन धरती काहीं बनामँइ बाले प्रभू के आँगे ठाढ़ रहत हें।

दरसनन के बातँय 11:4 ပူးပေါင်းရင်းမြစ်များ

लूका 11:33

कउनव मनई दिया जलाइके भुँइहरा माहीं, इआ कि बरतन के नीचे नहीं धरय, बलकिन ऊँचे जघा माहीं धरत हय, कि भीतर आमँइ बालेन काहीं उँजिआर मिलय।

लूका 21:36

एसे तूँ पंचे हर समय परमातिमा के बचन माहीं बने रहा, अउर प्राथना करत रहा, कि तूँ पंचे ईं आमँइ बाली घटनन से बचि जा, बलकिन जब मनई के लड़िका दुबारा अइहँय, तब तूँ पंचे उनखे आँगे ठाढ़ होंइ के काबिल बने रहा।”

रोमियन 11:17

हम इआ बात काहीं इआ उदाहरन से समझाइत हएन, अगर निकहे जैतून के बिरबा से कुछ डेरइआ टोरिके फेंक दीन गई हँय, अउर तोंहईं पंचन काहीं जउन जंगली जैतून के बिरबा के डेरइआ आह्या, कलम बनाइके उनखे जघा माहीं उआ निकहे जैतून के बिरबा माहीं जोड़ दीन ग हय, जउने उआ बिरबा के जर से दुसरे डेरइअन कि नाईं तोंहऊँ काहीं ताकत मिलय।

दरसनन के बातँय 1:20

अउर ऊँ सातव तरइअन के भेद, जिनहीं तूँ हमरे दहिने हाँथ माहीं देख रहे हया, अउर ऊँ सातव सोने के दीबटन के भेद, ऊँ सातठे तरइया, सातव मसीही मन्डलिन के दूत आहीं, अउर ऊँ सातव दीबट, सातठे मसीही मन्डली आहीं।”