दरसनन के बातँय 11:3 - Bagheli Bible

³ अउर हम अपने दुइठे गबाहन काहीं इआ अधिकार देब, कि टाट ओढ़े, एक हजार दुइ सव साठ दिन तक भबिस्यबानी करँय।”

दरसनन के बातँय 11:3 ပူးပေါင်းရင်းမြစ်များ

मत्ती 11:21

खुराजीन सहर, बैतसैदा सहर; तोंहईं धिक्कार हय; काहेकि जउन सामर्थ के काम तोंहरे बीच माहीं कीन गें तय, अगर ऊँ सूर अउर सैदा प्रदेसन माहीं कीन जातें, त उहाँ के मनई टाट ओढ़िके अउर राख माहीं बइठिके, पहिलेन अपने पापन काहीं मानिके पाप करब छोंड़ि देतें।

मत्ती 18:16

पय अगर उआ तोंहरे बात काहीं न मानय, त एक इआ कि दुइ जने काहीं अपने साथ माहीं अउर लइ जा, कि ‘जउने हरेक बात दुइ इआ कि तीन गबाहन के आँगे पक्की होइ जाय।’

लूका 10:13

“खुराजीन सहर, बैतसैदा सहर; तोंहईं धिक्कार हय; काहेकि जउन सामर्थ के काम तोंहरे बीच माहीं कीन गें तय, अगर ऊँ सूर अउर सैदा प्रदेसन माहीं कीन जातें, त उहाँ के मनई टाट ओढ़िके अउर राख माहीं बइठिके, पहिलेन अपने पापन काहीं मानिके, पाप करब छोंड़ि देतें।

लूका 24:48

अउर तूँ पंचे ईं सगली बातन के गबाह हया।

यूहन्ना 15:27

अउर तुहूँ पंचे घलाय हमार गबाह हया, काहेकि तूँ पंचे हमरे सेबा के सुरुआतय से हमरे साथ रहे हया।”

यूहन्ना 3:27

तब यूहन्ना उनहीं जबाब दिहिन कि, “कउनव मनई काहीं तब तक कुछू नहीं मिल सकय, जब तक ओही स्वरग से न दीन जाय।”

खास चेलन 1:8

पय जब पबित्र आत्मा तोंहरे ऊपर अई, तब तूँ पंचे सामर्थ पइहा; अउर यरूसलेम सहर अउर यहूदिया अउर सामरिया प्रदेसन माहीं, अउर धरती के छोर तक हमार गबाह होइहा।”

खास चेलन 13:31

अउर यीसु अपने चेलन काहीं, जउन उनखे साथ गलील प्रदेस से यरूसलेम सहर माहीं आए रहे हँय, खुब दिनन तक देखाई देत रहिगें; अउर ऊँ पंचे अबहिनव गबाही देंइ के खातिर मनइन के आँगे मवजूद हें।

खास चेलन 2:32

ईंन यीसु काहीं परमातिमा पुनि जिन्दा कइ दिहिन, जेखर हम पंचे सगले जने गबाह हएन।

खास चेलन 3:15

अउर तूँ पंचे जीबन के रचइता काहीं मारि डारे रहे हया, जिनहीं परमातिमा मरेन म से पुनि जिन्दा कइ दिहिन; अउर इआ बात के हम पंचे गबाह हएन।

1 कुरिन्थियन 12:28

अउर परमातिमा मसीही मन्डली माहीं कइअक जनेन काहीं नियुक्त किहिन हीं, पहिल यीसु मसीह के खास चेला लोगन काहीं, दूसर परमातिमा के सँदेस बतामँइ बालेन काहीं, तीसर सिच्छा देंइ बालेन काहीं, अउर एखे बाद अचरज के काम करँइ बालेन काहीं, अउर बिमारन काहीं नीक करँइ बालेन काहीं, अउर दुसरे मनइन के मदत करँइ बालेन काहीं, अउर अँगुआई करँइ बालेन काहीं, अउर हरेक मेर के भाँसा बोलँइ बालेन काहीं, घलाय नियुक्त किहिन हीं।

2 कुरिन्थियन 13:1

अब हम तिसराय तोंहरे पंचन के लघे आय रहेन हँय। अउर जइसन पबित्र सास्त्र माहीं लिखा हय, उहयमेर “हरेक बात दुइ इआ कि तीन गबाहन के गबाही के द्वारा सही इआ कि गलत साबित कीन जई।”

इफीसियन 4:11

अउर उँइन मसीह, कुछ जनेन काहीं आपन खास चेला होंइ के बरदान दइके, अउर कुछ जनेन काहीं परमातिमा के सँदेस बतामँइ के बरदान दइके, अउर कुछ जनेन काहीं खुसी के खबर सुनामँइ के बरदान दइके, अउर कुछ जनेन काहीं रखबारी करँइ के बरदान दइके, अउर कुछ जनेन काहीं उपदेस देंइ के बरदान दइके, मसीही मन्डली माहीं दइ दिहिन।

दरसनन के बातँय 1:5

अउर यीसु मसीह के तरफ से, जउन बिसुआस के काबिल गबाह, अउर मरेन म से जि उठँय बालेन माहीं पहिलउठा, अउर धरती के राजन के ऊपर घलाय सासन करँइ बाले आहीं, तोंहईं पंचन काहीं किरपा अउर सान्ती मिलत रहय। ऊँ हमसे पंचन से प्रेम करत हें, अउर उँइन अपने खून के द्वारा हमहीं पंचन काहीं पापन से छोड़ाइन हीं।

दरसनन के बातँय 11:2

पय मन्दिर के बहिरे के अँगना छोंड़ द्या; ओही न नापा, काहेकि उआ गैरयहूदी लोगन काहीं दीन ग हय, अउर ऊँ पंचे पबित्र सहर काहीं बयालिस महीना तक रउँदिहँय।

दरसनन के बातँय 11:6

उनहीं अधिकार हय, कि अकास काहीं बन्द करँय, कि जउने उनखे भबिस्सबानी के दिनन माहीं, बदरी न बरसय, अउर उनहीं सगले पानी के ऊपर अधिकार हय, कि ओही खून बनामँइ, अउर जब-जब चाहँय तब-तब धरती के ऊपर हरेकमेर के बिपत्ती लइ आमँय।

दरसनन के बातँय 12:6

अउर उआ मेहेरिआ उआ जंगल माहीं भागिगे, जहाँ परमातिमा के तरफ से, ओखे खातिर एकठे जघा तइआर कीन गे रही हय, कि उहाँ उआ एक हजार दुइ सव साठ दिना तक पाली पोसी जाय।

दरसनन के बातँय 13:5

बड़े बोल बोलँइ अउर परमातिमा के बुराई करँइ के खातिर, ओही एकठे मुँह दीन ग, अउर ओही बयालिस महीना तक काम करँइ के अधिकार दीन ग।

दरसनन के बातँय 19:10

तब हम उनखे गोड़न गिरँय के खातिर, उनखे गोड़े माहीं गिर परेन। तब ऊँ हमसे कहिन, “देखा, अइसा न करा, हमहूँ तोंहरेन कि नाईं, अउर तोंहरे भाइन कि नाईं, जउन यीसु के गबाही देंइ के खातिर स्थिर हें, मसीह के दास आहेन, तूँ पंचे परमातिमय के गोड़न गिरा; काहेकि जे कोऊ यीसु के बारे माहीं गबाही देत हें, उनहीं पंचन काहीं परमातिमा के सँदेस बतामँइ बालेन कि नाईं, परमातिमा से प्रेरना मिलत ही।”

दरसनन के बातँय 20:4

ओखे बाद हम सिंहासनन काहीं देखेन, अउर उनमा लोग बइठिगें, अउर उनहीं न्याय करँइ के अधिकार दीनगा। हम उनखे आत्मन काहीं घलाय देखेन, जिनखर मूँड़ यीसु के गबाही देंइ, अउर परमातिमा के बचन के कारन काटे गे रहे हँय, अउर ऊँ पंचे न उआ खतरनाक जानबर के, अउर न ओखे मूरत के पूजा किहिन तय, अउर न ओखर छाप, अपने लिलारे अउर हाँथन के ऊपर लिहिन तय। ऊँ पंचे जिन्दा होइके मसीह के साथ हजार बरिस तक राज करत रहिगें।