दरसनन के बातँय 11:12 - Bagheli Bible

¹² तब उनहीं स्वरग से एकठे बड़ा बोल सुनाई दिहिस, “इहाँ ऊपर आबा!” इआ सुनिके ऊँ पंचे बदरी के ऊपर सबार होइके, अपने बइरिन के देखत-देखत स्वरग माहीं चढ़िगें।

दरसनन के बातँय 11:12 ပူးပေါင်းရင်းမြစ်များ

लूका 16:23

अउर उआ अधोलोक माहीं पीरा माहीं परे, आँखी उठाइके दूरिन से अब्राहम के लघे लाजर काहीं बइठे देखिस।

खास चेलन 1:9

इआ कहे के बाद उनखे देखतय-देखत, यीसु ऊपर स्वरग माहीं उठाय लीन गें; अउर बदरी उनहीं चेलन के आँखी से ओझल कइ दिहिस।

1 थिस्सलुनीकियन 4:17

ओखे बाद हमरे पंचन म से जेतने जिन्दा बचे रहब, उनहिन के साथ बदरिन माहीं उठाय लीन जाब, कि प्रभू से अकास माहीं मिली, अउर इआमेर से हम पंचे हमेसा प्रभू के साथ रहब।

दरसनन के बातँय 12:5

अउर उआ मेहेरिआ के लड़िका भ, जउन लोहे के राजदन्ड लए, सगले जातिअन के ऊपर राज करँइ बाला रहा हय, अउर उआ लड़िका एकाएक परमातिमा के लघे, अउर उनखे सिंहासन के लघे उठाइके पहुँचाय दीन ग।

दरसनन के बातँय 3:21

जे बिजय पाई, ओही हम अपने साथ अपने सिंहासन माहीं बइठाउब, जइसन हमहूँ घलाय बिजय पाइके, अपने पिता के साथ उनखे सिंहासन माहीं बइठि गएन हय।

दरसनन के बातँय 4:1

ईं बातन के बाद, जब हम नजर उठाइके देखेन, त का देखित हएन, कि स्वरग माहीं एकठे दुअरा खुला हय; अउर जेही हम पहिले तुरही कि नाईं अबाज से, अपने साथ बातँय करत सुने रहेन हय, उँइन कहत हें, कि “इहाँ ऊपर आय जा, अउर हम ऊँ बातँय तोंहईं देखाउब, जिनखर ईं बातन के बाद पूर होब जरूरी हय।”