दरसनन के बातँय 10:7 - Bagheli Bible

⁷ जउने दिन सतएँ स्वरगदूत के तुरही के बोल सुनाई देई, उहय दिन परमातिमा के गुप्त भेद पूर होइ जई, जइसन ऊँ अपने सेबकन, अउर सँदेस बतामँइ बालेन के द्वारा बताइन रहा हय।”

दरसनन के बातँय 10:7 ပူးပေါင်းရင်းမြစ်များ

खास चेलन 3:21

जरूरी हय, कि मसीह स्वरग माहीं उआ समय तक रहँय, जब तक कि परमातिमा सगली बातन के सुधार न कइ लेंय, जेखर चरचा परमातिमा अपने सँदेस बतामँइ बालेन के मुँहे से किहिन हीं, जउन संसार के सुरुआत से होत आए हँय।

रोमियन 11:25

हे भाई-बहिनिव, कहँव अइसा न होय, कि तूँ पंचे अपने-आप काहीं बुद्धिमान समझ ल्या, एसे हम चाहित हएन, कि तूँ पंचे इआ भेद काहीं जानिल्या, कि परमातिमा के राज माहीं गैरयहूदी लोग जब तक पूरी तरह से प्रबेस न कइ लेइहँय, तब तक इजराइली लोगन म से कुछ जने अइसय कठोर बने रइहँय।

रोमियन 16:25

अउर परमातिमा के बड़ाई होय, हम यीसु मसीह के बारे माहीं जउने खुसी के खबर काहीं तोंहईं पंचन काहीं बतायन हय, ओहिन के मुताबिक तोंहईं पंचन काहीं उँइन बिसुआस माहीं मजबूत कइ सकत हें, अउर परमातिमा के इआ रहस्यपूर्न सत्य जुगन-जुगन से छिपा रहा हय।

दरसनन के बातँय 14:6

पुनि हम एकठे अउर स्वरगदूत काहीं, अकास के बीच माहीं उड़त देखेन, जिनखे लघे धरती के ऊपर रहँइ बालेन के हरेक जाति, अउर कुल, अउर भाँसा, अउर लोगन काहीं सुनामँइ के खातिर सनातन खुसी के खबर रही हय।

दरसनन के बातँय 17:17

काहेकि परमातिमा, उनखे मन माहीं इआ बिचार डरिहँय, कि ऊँ पंचे उनखे मरजी काहीं पूर करँय, अउर जब तक परमातिमा के बचन पूर न होइ जाय, तब तक एक मन होइके आपन-आपन राज, उआ खतरनाक जानबर काहीं दइ देंय।