दरसनन के बातँय 10:6 - Bagheli Bible

⁶ अउर परमातिमा जउन जुगन-जुगन तक जिन्दा रहत हें, जउन स्वरग अउर जउन कुछू ओमाहीं हय, अउर धरती काहीं, अउर जउन कुछू ओखे ऊपर हय, अउर समुंद्र काहीं, अउर जउन कुछू ओमाहीं हय, बनाइन हीं, उनहिन के कसम खाइके कहिन, “अब त अउर देरी न होई।

दरसनन के बातँय 10:6 ပူးပေါင်းရင်းမြစ်များ

दरसनन के बातँय 1:18

हम मर गएन तय, अउर अब देखा; हम जुगन-जुगन तक जिन्दा रहब; अउर मउत अउर अधोलोक के उघन्नी हमरेन लघे हईं।

दरसनन के बातँय 12:12

इआ कारन, हे स्वरगव, अउर उनमा रहँइ बाल्या, आनन्द मनाबा; पय हे धरती, अउर समुंद्र तोंहरे ऊपर बड़ी भारी बिपत्ती आमँइ बाली हय! काहेकि सइतान बड़े क्रोध के साथ तोंहरे लघे उतरि आबा हय; काहेकि उआ जानत हय, कि ओखर थोरिन काहीं समय अउर बचा हय।

दरसनन के बातँय 16:17

ओखे बाद सतमा स्वरगदूत आपन खोरबा हबा के ऊपर उड़ेल दिहिन, अउर मन्दिर के सिंहासन से इआ बड़ा बोल सुनान, “होइ चुका!”

दरसनन के बातँय 21:6

अउर पुनि ऊँ हमसे कहिन, “ईं बातँय पूर होइ गई हँय। हम अल्फा अउर ओमेगा, आदि अउर अन्त आहेन। हम पिआसे काहीं, जीबन के पानी के झिन्ना म से सेंत-मेंत माहीं पिआउब।

दरसनन के बातँय 4:10

तब चउबीसव अँगुआ सिंहासन माहीं बइठँय बाले के आँगे गिर परिहँय, अउर उनहीं, जउन जुगन-जुगन से जिन्दा हें, प्रनाम करिहँय; अउर आपन-आपन मुकुट सिंहासन के आँगे इआ कहत धइ देइहँय, कि

दरसनन के बातँय 4:11

“हे हमार पंचन के प्रभू, अउर परमातिमा, अपनय महिमा, अउर मान-सम्मान, अउर सामर्थ के काबिल हएन; काहेकि अपनय सगली चीजन काहीं बनाएन हय, अउर ऊँ अपनय के मरजी से बनाई गे रही हँय, अउर बनाई गई हँय।”

दरसनन के बातँय 4:9

अउर जब ऊँ प्रानी उनखर जउन सिंहासन माहीं बइठ हें, अउर जउन जुगन-जुगन से जिन्दा हें, महिमा अउर मान-सम्मान अउर धन्यबाद करिहँय।

दरसनन के बातँय 6:11

अउर उनमा से हरेक जन काहीं, उजर ओन्हा दीन ग, अउर उनसे कहा ग, कि अउर थोरी देर तक अराम करा, जब तक तोंहार पंचन के साथी सेबक लोग, अउर भाई लोग, जउन तोंहरिन कि नाईं बध होंइ बाले हें, उनहूँ के घलाय गिनती पूर न होइ जाय।