दरसनन के बातँय 10:5 - Bagheli Bible

⁵ अउर जउने स्वरगदूत काहीं हम समुंद्र अउर धरती माहीं ठाढ़ देखन रहा हय; ऊँ आपन दहिना हाँथ स्वरग कइती उठाइन।

दरसनन के बातँय 10:5 ပူးပေါင်းရင်းမြစ်များ

खास चेलन 14:15

“हे मनइव तूँ पंचे इआ का करते हया? हमहूँ पंचे त तोंहरिन कि नाईं दुख-सुख भोगी मनई आहेन, अउर तोहईं खुसी के खबर सुनाइत हएन, कि तूँ पंचे ईं बेकार के चीजन से अलग होइके, जिन्दा परमातिमा के ऊपर बिसुआस करा, जउन स्वरग अउर धरती अउर समुंद्र अउर जउन कुछू उनमा हय बनाइन हीं।

खास चेलन 17:23

काहेकि जब हम सहर माहीं घूमत रहेन हय, उआ समय तोंहरे पूजँय बाली चीजन काहीं देखत रहेन हँय, त एकठे अइसन बेदी घलाय पाएन, जउने माहीं लिखा रहा हय, कि ‘अनजान परमातिमा के खातिर बेदी।’ एसे जिनहीं तूँ पंचे बिना देखे पुजते हया, हम तोंहईं पंचन काहीं उनहिन के खबर सुनाइत हएन।

रोमियन 1:20

जब से संसार के रचना भे ही, परमातिमा के न देखाई देंइ बाली बिसेसता अरथात अनन्त सक्ती, अउर परमातिमा के दिब्य गुन साफ-साफ देखाई देत हें, काहेकि ऊँ चीजन से ऊँ पूरी तरह से जाने जाय सकत हें, जउने काहीं परमातिमा रचिन हीं। एसे अब मनइन के लघे कउनव बहाना नहिं आय।

इब्रानियन 6:13

जब परमातिमा अब्राहम से वादा किहिन तय, तब कसम खाँय के खातिर, उनहीं अपने से बड़ा कोऊ नहीं मिला, एसे ऊँ अपनय कसम खाइके कहिन,

दरसनन के बातँय 1:18

हम मर गएन तय, अउर अब देखा; हम जुगन-जुगन तक जिन्दा रहब; अउर मउत अउर अधोलोक के उघन्नी हमरेन लघे हईं।

दरसनन के बातँय 10:2

उनखे हाँथ माहीं एकठे छोट क खुली किताब रही हय; ऊँ आपन दहिना गोड़ समुंद्र माहीं, अउर बामा धरती माहीं धरिन।

दरसनन के बातँय 14:7

अउर ऊँ खुब चन्डे कहिन, “परमातिमा से डेरा, अउर उनखर बड़ाई करा, काहेकि उनखर न्याय करँइ के समय आय पहुँचा हय; अउर उनखर भजन करा, उँइन स्वरग, अउर धरती अउर समुंद्र अउर पानी के झिन्नन काहीं बनाइन हीं।”

दरसनन के बातँय 16:17

ओखे बाद सतमा स्वरगदूत आपन खोरबा हबा के ऊपर उड़ेल दिहिन, अउर मन्दिर के सिंहासन से इआ बड़ा बोल सुनान, “होइ चुका!”

दरसनन के बातँय 4:11

“हे हमार पंचन के प्रभू, अउर परमातिमा, अपनय महिमा, अउर मान-सम्मान, अउर सामर्थ के काबिल हएन; काहेकि अपनय सगली चीजन काहीं बनाएन हय, अउर ऊँ अपनय के मरजी से बनाई गे रही हँय, अउर बनाई गई हँय।”

दरसनन के बातँय 4:9

अउर जब ऊँ प्रानी उनखर जउन सिंहासन माहीं बइठ हें, अउर जउन जुगन-जुगन से जिन्दा हें, महिमा अउर मान-सम्मान अउर धन्यबाद करिहँय।