दरसनन के बातँय 10:11 - Bagheli Bible

¹¹ तब हमसे इआ कहा ग, “तोहईं, खुब मनइन, अउर जातिअन, अउर भाँसन, अउर राजन के बारे माहीं पुनि भबिस्यबानी करँय परी।”

दरसनन के बातँय 10:11 ပူးပေါင်းရင်းမြစ်များ

दरसनन के बातँय 10:10

एसे हम उआ छोट किताब काहीं, ऊँ स्वरगदूत के हाँथे से लइके खाय लिहेन, उआ हमरे मुँहे माहीं महिपर कि नाईं मीठ त लाग, पय जब हम ओही खाय लिहेन, त हमार पेट करू होइगा।

दरसनन के बातँय 11:1

ओखे बाद हमहीं नापँय के खातिर एकठे सरकन्डा दीन ग, अउर कोऊ कहिस, “उठा, परमातिमा के मन्दिर, अउर बेदी काहीं नाप ल्या, अउर ओमाहीं अराधना करँइ बालेन के गिनती करा।

दरसनन के बातँय 11:9

अउर सगले मनइन, अउर कुलन, अउर भाँसन, अउर जातिअन म से मनई उनखे लहासन काहीं साढ़े तीन दिना तक देखत रइहँय, अउर उनखे लहासन काहीं कब्र माहीं धरँय न देइहँय।

दरसनन के बातँय 14:6

पुनि हम एकठे अउर स्वरगदूत काहीं, अकास के बीच माहीं उड़त देखेन, जिनखे लघे धरती के ऊपर रहँइ बालेन के हरेक जाति, अउर कुल, अउर भाँसा, अउर लोगन काहीं सुनामँइ के खातिर सनातन खुसी के खबर रही हय।

दरसनन के बातँय 17:10

ऊँ सातठे राजा घलाय आहीं, उनमा से पाँच जनेन के बिनास होइ चुका हय, अउर एकठे अबे हय, अउर एकठे अबे तक आबा नहीं, अउर जब अई त कुछ समय तक ओखर रहब घलाय जरूरी हय।

दरसनन के बातँय 17:12

अउर जउन दसठे सींग तूँ देखे हया, ऊँ दसठे राजा आहीं, जउन अबे तक राज नहीं पाइन, पय उआ खतरनाक जानबर के साथ, एक घन्टा के खातिर राजन कि नाईं अधिकार पइहँय।

दरसनन के बातँय 17:15

पुनि ऊँ स्वरगदूत हमसे कहिन, “जउन पानी तूँ देखे हया, जेखे ऊपर बेस्या बइठ ही, ऊँ पंचे त मनई, अउर भीड़, अउर सगली जाति, अउर सगली भाँसा आहीं।

दरसनन के बातँय 5:9

अउर ऊँ पंचे इआ नबा गाना गामँइ लागें, कि “अपनय इआ किताब काहीं लेंइ, अउर एखर मुहरँय खोलँय के काबिल हएन; काहेकि अपना बध होइके अपने खून से हरेक कुल, अउर भाँसा, अउर लोग, अउर जाति म से परमातिमा के खातिर लोगन काहीं मोल लिहेन हँय।