दरसनन के बातँय 10:1 - Bagheli Bible

¹ हम पुनि एकठे अउर सक्तिसाली स्वरगदूत काहीं बदरी ओढ़े, स्वरग से उतरत देखेन। अउर उनखे मूँड़े माहीं इन्द्रधनुस रहा हय, अउर उनखर मुँह सुरिज कि नाईं, अउर उनखर गोड़ आगी के खम्भा कि नाईं रहे हँय।

दरसनन के बातँय 10:1 ပူးပေါင်းရင်းမြစ်များ

मत्ती 17:2

अउर उहाँ उनखे अँगुअय यीसु के रूप बदलिगा, अउर उनखर मुँह सुरिज कि नाईं चमकँइ लाग, अउर उनखर ओन्हा उँजिआर कि नाईं उजर होइगा।

लूका 21:27

तब सगले जन मनई के लड़िका काहीं सामर्थ अउर बड़ी महिमा के साथ बदरिन माहीं आबत देखिहँय।

खास चेलन 26:13

तब हे राजा, गइल माहीं दुपहर के समय हम अकास से सुरिज के उँजिआर से घलाय बढ़िके, एकठे जोति अपने अउर अपने साथ माहीं चलँइ बाले साथिन के चारिव कइती चमकत देखेन।

दरसनन के बातँय 1:7

देखा, ऊँ बदरिन के साथ आमँइ बाले हें; अउर हरेक आँखी उनहीं देखी, इहाँ तक कि जउन उनहीं बेधिन रहा हय, ऊँ पंचे घलाय उनहीं देखिहँय, अउर धरती के सगले कुल उनखे कारन छाती पिटिहँय। इआ जरूर होई। आमीन।

दरसनन के बातँय 18:1

एखे बाद हम एकठे अउर स्वरगदूत काहीं, स्वरग से उतरत देखेन, जिनहीं बड़ा अधिकार मिला रहा हय; अउर धरती उनखे तेज से चमक उठी।

दरसनन के बातँय 18:21

ओखे बाद एकठे बलमान स्वरगदूत बड़ी चक्की के जतबा कि नाईं एकठे पथरा उठाइन, अउर इआ कहिके समुंद्र माहीं फेंक दिहिन, “बड़ा सहर बेबीलोन इहइमेर बड़े बल से गिराबा जई, अउर पुनि ओखर कबहूँ पता न चली।

दरसनन के बातँय 20:1

पुनि हम एकठे स्वरगदूत काहीं स्वरग से उतरत देखेन, जिनखे हाँथे माहीं अथाह कुन्ड के उघन्नी, अउर एकठे बड़ी जंजीर रही हय।

दरसनन के बातँय 4:3

अउर जउन ओखे ऊपर बइठ हें, उनखर सोभा यसब अउर गोमेद रतन कि नाईं देखाई देत ही, अउर उआ सिंहासन के चारिव कइती मरकत रतन कि नाईं एकठे मेघधनुस देखाई देत हय।

दरसनन के बातँय 5:2

फेर हम एकठे बलमान स्वरगदूत काहीं देखेन, जउन तेज अबाज से इआ प्रचार करत रहे हँय, कि “इआ किताब काहीं खोलँय अउर एखर मुहर टोरँइ के काबिल को हय?”

दरसनन के बातँय 8:13

अउर जब हम पुनि देखेन, त अकास के बीच माहीं एकठे चील्ह काहीं उड़त, अउर खुब चन्डे इआ कहत सुनेन, “ऊँ तिनहूँ स्वरगदूतन के तुरहिन के बोल के कारन, जिनखर फूँकब अबे बाँकी हय, धरती माहीं रहँइ बालेन के ऊपर घोर बिपत्ती आमँइ बाली ही।”