दरसनन के बातँय 1:2 - Bagheli Bible

² जउन परमातिमा के बचन अउर यीसु मसीह के गबाही, अरथात जउन कुछू ऊँ देखिन रहा हय, ओखर गबाही दिहिन।

दरसनन के बातँय 1:2 ပူးပေါင်းရင်းမြစ်များ

यूहन्ना 1:32

अउर यूहन्ना इआ गबाही दिहिन, कि हम पबित्र आत्मा काहीं परेबा के रूप माहीं स्वरग से नीचे उतरत देखेन हय, अउर पबित्र आत्मा उनखे ऊपर आइके ठहरिगा।

यूहन्ना 12:17

तब सगले भीड़ के मनई जउन उआ समय माहीं, उनखे साथ माहीं रहे हँय, इआ गबाही दिहिन, कि “यीसु लाजर काहीं कब्र से गोहराइके, मरे म से जिन्दा किहिन तय।”

यूहन्ना 19:35

जउन मनई इआ देखिस रहा हय, उहय इआ गबाही दिहिस ही, अउर ओखर गबाही सच्ची हय; अउर उआ जानत हय, कि हम इआ बेलकुल सही कहित हएन, जउने तुहूँ पंचे बिसुआस करा।

यूहन्ना 21:24

ईं उँइन चेला आहीं, जउन ईं बातन के गबाही देत हें, अउर जउन ईं बातन काहीं लिखिन हीं, अउर हम पंचे जानित हएन, कि उनखर गबाही सच्ची हय।

यूहन्ना 3:11

हम तोंहसे सही-सही कहित हएन, कि हम जउन जानित हएन, उहय कहित हएन, अउर जउने काहीं हम देखेन हय, ओहिन काहीं बताइत हएन, अउर तूँ पंचे हमरे बातन के बिसुआस नहीं मनते आह्या।

खास चेलन 22:15

काहेकि, तूँ उनखे तरफ से सगले मनइन के आँगे उन बातन के गबाह होइहा, जउनेन काहीं तूँ देखे अउर सुने हया।

खास चेलन 26:16

पय तूँ अब उठा, अपने गोड़ेन के बल ठाढ़ होइजा; काहेकि हम तोंहईं एसे दरसन दिहेन हय, कि तोंहईं उन बातन के गबाह अउर सेबक ठहराई, जउन तूँ देखे हया, अउर उनखर घलाय जिनखे खातिर हम तोंहईं दरसन देब।

खास चेलन 4:20

काहेकि इआ त हमसे होइन नहीं सकय, कि जउन हम पंचे देखेन अउर सुनेन हय, उआ न कही।”

1 कुरिन्थियन 1:6

अउर मसीह के बारे माहीं जउन गबाही, हम तोहईं पंचन काहीं बताए रहेन हय, उआ तोंहरे बीच माहीं सच्ची साबित भे ही।

1 कुरिन्थियन 2:1

हे भाई-बहिनिव, जब हम तोंहरे लघे आए रहेन हँय, त परमातिमा के छिपी योजना काहीं बढ़ाय-चढ़ाइके अउर अपने चतुराई से तोहईं नहीं बतायन।

1 यूहन्ना 1:1

इआ चिट्ठी माहीं हम, जीबन देंइ बाले उआ बचन के बारे माहीं लिखित हएन, जउन इआ संसार के बनामँइ से पहिलेव रहा हय, जउने काहीं हम पंचे सुनेन हय, अउर जिनहीं हम पंचे अपने आँखिन से देखेन हय, बलकिन जिनहीं हम पंचे बड़े ध्यान से देखेन, अउर हाँथन से छुएन हय।

1 यूहन्ना 4:14

अउर हम पंचे देखिव लिहेन हय, अउर गबाही देइत हएन, कि परमातिमा अपने लड़िका काहीं, संसार के मनइन काहीं मुक्ती देंइ के खातिर पठइन हीं।

3 यूहन्ना 1:12

दिमेत्रियुस के बारे माहीं सबय कोऊ सराहत हें, बलकिन सत्य घलाय खुदय गबाह हय, अउर हमहूँ पंचे घलाय सराहित हएन, अउर तूँ त जनतेन हया, कि हमार पंचन के गबाही सही हय।

दरसनन के बातँय 1:11

कि “जउन कुछू तूँ देखते हया, ओही किताब माहीं लिखिके, सातव मसीही मन्डलिन के लघे पठय द्या, अरथात इफिसुस अउर इसमुरना, अउर पिरगमुन, अउर थुआतीरा, अउर सरदीस, अउर फिलदिलफिया, अउर लौदीकिया काहीं।”

दरसनन के बातँय 1:19

एसे जउन बातँय तूँ देखे हया, अउर जउन बातँय होइ रही हँय; अउर जउन बाद माहीं होंइ बाली हईं, ऊँ सगलिन काहीं लिख ल्या।

दरसनन के बातँय 1:9

हम यूहन्ना, जउन तोंहार पंचन के भाई, अउर यीसु के कस्ट, अउर राज, अउर धीरज माहीं, तोंहार पंचन के सहभागी आहेन, परमातिमा के बचन, अउर यीसु के गबाही के कारन, पतमुस नाम के टापू माहीं रहेन हय।

दरसनन के बातँय 12:11

अउर ऊँ पंचे मेम्ना के खून के कारन, अउर अपने गबाही के बचन के कारन, सइतान के ऊपर बिजयी भें हँय, अउर ऊँ पंचे अपने प्रानन काहीं पियार नहीं जानिन, इहाँ तक कि मउत घलाय सहि लिहिन।

दरसनन के बातँय 12:17

तब अजिगर उआ मेहेरिआ के ऊपर क्रोधित भ, अउर ओखे बची सन्तान से, जउन परमातिमा के हुकुमन काहीं मानत रहे हँय, अउर यीसु के गबाही देंइ माहीं स्थिर रहे हँय, उनसे लड़ँय काहीं ग।

दरसनन के बातँय 20:4

ओखे बाद हम सिंहासनन काहीं देखेन, अउर उनमा लोग बइठिगें, अउर उनहीं न्याय करँइ के अधिकार दीनगा। हम उनखे आत्मन काहीं घलाय देखेन, जिनखर मूँड़ यीसु के गबाही देंइ, अउर परमातिमा के बचन के कारन काटे गे रहे हँय, अउर ऊँ पंचे न उआ खतरनाक जानबर के, अउर न ओखे मूरत के पूजा किहिन तय, अउर न ओखर छाप, अपने लिलारे अउर हाँथन के ऊपर लिहिन तय। ऊँ पंचे जिन्दा होइके मसीह के साथ हजार बरिस तक राज करत रहिगें।

दरसनन के बातँय 22:21

प्रभू यीसु के किरपा, पबित्र लोगन के ऊपर बनी रहय। आमीन।

दरसनन के बातँय 6:9

अउर जब मेम्ना पचमी मुहर खोलिन, त हम स्वरग के बेदी के नीचे उनखे प्रानन काहीं देखेन, जउन परमातिमा के बचन के कारन, अउर उआ गबाही के कारन, जउन ऊँ पंचे दिहिन रहा हय, बध कीन गे रहे हँय।