दरसनन के बातँय 1:18 - Bagheli Bible

¹⁸ हम मर गएन तय, अउर अब देखा; हम जुगन-जुगन तक जिन्दा रहब; अउर मउत अउर अधोलोक के उघन्नी हमरेन लघे हईं।

दरसनन के बातँय 1:18 ပူးပေါင်းရင်းမြစ်များ

मत्ती 11:23

अउर हे कफरनहूम सहर के मनइव, तूँ पंचे जउन सोचते हया, कि हमहीं परमातिमा अकास तक ऊँच करिहँय? बेलकुल नहीं, परमातिमा तोंहईं पताल तक नीच करिहँय; जउन सामर्थ के काम तोंहरे बीच माहीं कीन गे हँय, अगर ऊँ सदोम सहर माहीं कीन जातें, त उआ आज तक बना रहत।

मत्ती 16:19

हम तोहईं स्वरगराज के चाभिन काहीं देब, अउर जउने बात माहीं तूँ पंचे धरती माहीं हामी भरिहा, त उआ बात माहीं स्वरग माहीं रहँइ बाले परमातिमा घलाय हामी भरिहँय; अउर जउने बात माहीं तूँ धरती माहीं नाहीं करिहा, त उआ बात माहीं स्वरग माहीं रहँइ बाले परमातिमा घलाय नाहीं करिहँय।”

लूका 24:5

जब ऊँ पंचे मारे डेरन के नीचे काहीं मूड़ कए रहि गईं, तब ऊँ दोनव जने उनसे कहिन, “तूँ पंचे जिन्दा काहीं, मरेन माहीं काहे ढुँढ़ते हया?

यूहन्ना 11:25

यीसु उनसे कहिन, “जउन मनई मरिगे हँय, उनहीं पुनि जिन्दा करँइ बाले, अउर जीबन देंइ बाले हमहिन आहेन, जे कोऊ हमरे ऊपर बिसुआस करत हय, अगर उआ मरिव जाय, तऊ जिन्दा होइ जई।

यूहन्ना 14:19

अउर कुछ देर बाद संसार के मनई हमहीं न देखिहँय, पय तूँ पंचे हमहीं देखिहा, एसे कि हम जिन्दा हएन, अउर तुहूँ पंचे घलाय जिन्दा रइहा।

रोमियन 6:9

काहेकि हम पंचे इआ जानित हएन, कि मसीह मरेन म से जिन्दा होए के बाद कबहूँ न मरिहँय, अरथात ऊँ अमर हें; अउर उनखे ऊपर कबहूँ मउत के बस न चली।

2 कुरिन्थियन 13:4

इआ बात सही आय, कि जब मसीह काहीं क्रूस माहीं चढ़ाबा ग रहा हय, त ऊँ निबल देखात रहे हँय, पय अब परमातिमा के सक्ती से जिन्दा हें। एसे हमहूँ पंचे घलाय मसीह माहीं निबल देखइत हएन, पय परमातिमा के सक्ती से हमहूँ पंचे मसीह के साथ जिअत रहब। जउने तोंहार पंचन के सेबा करत रही।

गलातियन 2:20

अउर हम मसीह के साथ क्रूस माहीं चढ़ाए गए हएन, अउर हम अब से जिन्दा नहीं रहि गएन, बलकिन मसीह हमरे भीतर जिन्दा हें। अउर अब हम देंह माहीं जउन जिन्दा हएन, उआ केबल परमातिमा के लड़िका के ऊपर बिसुआस किहे के कारन जिन्दा हएन, जउन हमसे एतना प्रेम किहिन, कि खुद काहीं हमरे खातिर बलिदान कइ दिहिन हीं।

कुलुस्सियन 3:3

काहेकि तूँ पंचे पुरान पापी सुभाव के खातिर मर गया हय, अउर तोंहार पंचन के नबा जीबन मसीह के साथ परमातिमा के लघे सुरच्छित हय।

इब्रानियन 1:3

अउर ऊँ परमातिमा के महिमा के उँजिआर, अउर उनखे हरेक सुभाव के साछात तसबीर आहीं, अउर उँइन सगली चीजन काहीं अपने सामरथी बचन से सम्हारत हें। अउर उँइन मनइन के पापन काहीं धोइके, सगलेन से ऊँच जघा अरथात स्वरग माहीं, सबसे महान परमातिमा के दहिने कइती जाइके बइठिगें हँय।

इब्रानियन 12:2

अउर बिसुआस के सुरुआत करँइ बाले, अउर ओही परिपूर्न करँइ बाले, यीसु के ऊपर हम पंचे ध्यान लगाए रही; जे उआ खुसी के खातिर जउन उनखे आँगे धरी रही हय, सरम के कउनव परबाह नहीं किहिन, अउर क्रूस के सजा काहीं सहि लिहिन, अउर जाइके परमातिमा के दहिने कइती सिंहासन माहीं बइठिगें हँय।

इब्रानियन 7:16

जउन अपने बंसाबली के नेम मुताबिक नहीं, बलकिन अबिनासी जीबन के सक्ती के मुताबिक याजक बने हँय।

इब्रानियन 7:25

एसे जेतने जन यीसु के द्वारा परमातिमा के लघे आबत हें, यीसु उनहीं पूर-पूर मुक्ती दइ सकत हें, काहेकि ऊँ बिचबई बनिके उनखे खातिर बिनती करँइ के खातिर हमेसा जिन्दा हें।

दरसनन के बातँय 10:6

अउर परमातिमा जउन जुगन-जुगन तक जिन्दा रहत हें, जउन स्वरग अउर जउन कुछू ओमाहीं हय, अउर धरती काहीं, अउर जउन कुछू ओखे ऊपर हय, अउर समुंद्र काहीं, अउर जउन कुछू ओमाहीं हय, बनाइन हीं, उनहिन के कसम खाइके कहिन, “अब त अउर देरी न होई।

दरसनन के बातँय 15:7

तब ऊँ चारिव प्रानिन म से, एक जने, ऊँ सतहूँ स्वरगदूतन काहीं, परमातिमा, जउन जुगन-जुगन तक जिन्दा रइहँय, उनखे कोप से भरे सोने के सातठे खोरबा दिहिन।

दरसनन के बातँय 2:8

इसमुरना के मसीही मन्डली के दूत काहीं इआ लिखा, कि “जउन पहिल अउर अन्तिम आहीं; जउन मरिगें तय अउर अब जिन्दा होइगे हँय, ऊँ इआ कहत हें, कि

दरसनन के बातँय 20:13

ओखे बाद समुंद्र, ऊँ मरे मनइन काहीं जउन ओमा रहे हँय, दइ दिहिस, अउर मउत अउर अधोलोक, ऊँ मरे मनइन काहीं जउन उन माहीं रहे हँय, दइ दिहिन; अउर उनमा से हरेक के कामन के मुताबिक न्याय कीन ग।

दरसनन के बातँय 20:14

मउत अउर अधोलोक आगी के झील माहीं डारे गें। इआ आगी के झील दूसर मउत आय।

दरसनन के बातँय 3:7

अउर फिलदिलफिया के मसीही मन्डली के दूत काहीं इआ लिखा, कि “जउन पबित्र अउर सच्चे हें, अउर जेखे लघे राजा दाऊद के उघन्नी हय, जेखे खोले काहीं कोऊ बन्द नहीं कइ सकय, अउर बन्द कीन काहीं कोऊ खोल नहीं सकय, ऊँ इआ कहत हें, कि

दरसनन के बातँय 4:9

अउर जब ऊँ प्रानी उनखर जउन सिंहासन माहीं बइठ हें, अउर जउन जुगन-जुगन से जिन्दा हें, महिमा अउर मान-सम्मान अउर धन्यबाद करिहँय।

दरसनन के बातँय 5:14

अउर चारिव जिन्दा प्रानी आमीन कहिन, अउर अँगुआ लोग मुँह के बल गिरिके गोड़न गिरें।

दरसनन के बातँय 6:8

अउर हमहीं एकठे पिअर घोड़ा देखान; अउर ओखे सबार के नाम मउत हय, अउर अधोलोक ओखे पीछे-पीछे हय, अउर उनहीं धरती के एक चउथाई भाग के ऊपर इआ अधिकार दीन ग, कि तलबार, अउर अकाल, अउर महामारी, अउर धरती के बन पसुअन के द्वारा मनइन काहीं मारि डारँय।

दरसनन के बातँय 9:1

जब पचमाँ स्वरगदूत तुरही फूँकिन, त हम स्वरग से धरती के ऊपर एकठे तरइया गिरत देखेन, अउर उनहीं अथाह कुन्ड के उघन्नी दीन गे।