दरसनन के बातँय 1:16 - Bagheli Bible

¹⁶ अउर ऊँ अपने दहिने हाँथ माहीं सातठे तरइया लए रहे हँय, अउर उनखे मुँहे से दुइ धार बाली चोंख तलबार निकरत रही हय; अउर उनखर मुँह अइसन चमकत रहा हय, जइसन सुरिज तेज घाम के समय चमकत हय।

दरसनन के बातँय 1:16 ပူးပေါင်းရင်းမြစ်များ

मत्ती 17:2

अउर उहाँ उनखे अँगुअय यीसु के रूप बदलिगा, अउर उनखर मुँह सुरिज कि नाईं चमकँइ लाग, अउर उनखर ओन्हा उँजिआर कि नाईं उजर होइगा।

खास चेलन 26:13

तब हे राजा, गइल माहीं दुपहर के समय हम अकास से सुरिज के उँजिआर से घलाय बढ़िके, एकठे जोति अपने अउर अपने साथ माहीं चलँइ बाले साथिन के चारिव कइती चमकत देखेन।

इफीसियन 6:17

अउर मुक्ती रूपी टोप, अउर आत्मा के तलबार जउन परमातिमा के बचन हय, ओही लइ ल्या।

इब्रानियन 4:12

काहेकि परमातिमा के बचन जिन्दा हय, सक्तिसाली हय, अउर सगली दुइ धार बाली तलबारन से खुब जादा चोंख हय, अउर उआ प्रान, अउर आत्मा काहीं, अउर देंह के सगली हड्डिन अउर माँस काहीं, अलग कइके आर-पार छेदत हय। अउर उआ बचन मनइन के मन के इच्छन, अउर सोच-बिचार के जाँच-परताल घलाय करत हय।

दरसनन के बातँय 1:20

अउर ऊँ सातव तरइअन के भेद, जिनहीं तूँ हमरे दहिने हाँथ माहीं देख रहे हया, अउर ऊँ सातव सोने के दीबटन के भेद, ऊँ सातठे तरइया, सातव मसीही मन्डलिन के दूत आहीं, अउर ऊँ सातव दीबट, सातठे मसीही मन्डली आहीं।”

दरसनन के बातँय 10:1

हम पुनि एकठे अउर सक्तिसाली स्वरगदूत काहीं बदरी ओढ़े, स्वरग से उतरत देखेन। अउर उनखे मूँड़े माहीं इन्द्रधनुस रहा हय, अउर उनखर मुँह सुरिज कि नाईं, अउर उनखर गोड़ आगी के खम्भा कि नाईं रहे हँय।

दरसनन के बातँय 12:1

ओखे बाद स्वरग माहीं एकठे बड़ा चिन्ह देखाई दिहिस, अरथात एकठे मेहेरिआ, जउन सुरिज ओढ़े रही हय, अउर जोंधइआ ओखे गोड़े के नीचे रही हय, अउर ओखे मूँड़े माहीं बारा तरइअन के मुकुट रहा हय।

दरसनन के बातँय 19:15

अउर जाति-जाति काहीं मारँइ के खातिर उनखे मुँहे से एकठे चोंख तलबार निकरत ही, ऊँ लोहे के राजदन्ड लए, उनखे ऊपर राज करिहँय, अउर ऊँ सर्बसक्तिमान परमातिमा के, भयानक कोप के जलजलाहट के मदिरा के कुन्ड माहीं अंगूर रउँदिहँय।

दरसनन के बातँय 19:21

अउर बाँकी मनई उआ घोड़ा के सबार के तलबार से, जउन ओखे मुँहे से निकरत रही हय, मार डारे गें, अउर सगले पंछी उनखे माँस से संतुस्ट होइगें।

दरसनन के बातँय 2:1

इफिसुस के मसीही मन्डली के दूत काहीं इआ लिखा, कि “जउन सातँव तरइया अपने दहिने हाँथ माहीं लए हें, अउर सोने के सातँव दीबटन के बीच माहीं चलत फिरत हें, ऊँ इआ कहत हें, कि

दरसनन के बातँय 2:12

पिरगमुन के मसीही मन्डली के दूत काहीं इआ लिखा, कि “जिनखे लघे दुइ धार बाली निकही चोंख तलबार ही, ऊँ इआ कहत हें, कि

दरसनन के बातँय 2:16

एसे मन फिराबा, नहीं त हम तोंहरे लघे हरबिन आइके, अपने मुँहे के तलबार से उनखे साथ लड़ब।

दरसनन के बातँय 3:1

सरदीस के मसीही मन्डली के दूत काहीं इआ लिखा, “जिनखे लघे परमातिमा के सातठे आत्मा, अउर सातठे तरइया हईं, ऊँ इआ कहत हें, कि हम तोंहरे कामन काहीं जानित हएन, कि तूँ जिन्दा त कहउते हया, पय हया मरे।