दरसनन के बातँय 1:13 - Bagheli Bible

¹³ अउर उन दीबटन के बीच माहीं मनई के लड़िका कि नाईं एकठे मंसेरुआ काहीं देखेन, जउन गोड़ेन तक के ओन्हा पहिरे, अउर छाती माहीं सोने के पट्टा बाँधे रहे हँय।

दरसनन के बातँय 1:13 ပူးပေါင်းရင်းမြစ်များ

इब्रानियन 4:15

काहेकि हमार पंचन के महायाजक अइसन नहिं आहीं, जउन हमरे पंचन के कमजोरिन माहीं, हमरे पंचन के साथ दुखी होइके मदत न कइ सकँय, काहेकि ऊँ सगली बातन माहीं हमरेन पंचन कि नाईं जाँचे-परखे गें, तऊ उनखे जीबन माहीं कउनव पाप नहीं मिला।

दरसनन के बातँय 14:14

हम नजर उठाइके देखेन, अउर देखा, एकठे उजर बदरी हय, अउर उआ बदरी के ऊपर मनई के लड़िका कि नाईं कोऊ बइठ हें, जिनखे मूँड़े माहीं सोने के मुकुट, अउर हाँथे माहीं खुब चोंख हँसिया ही।

दरसनन के बातँय 15:6

अउर ऊँ सतहूँ स्वरगदूत, जिनखे लघे ऊँ सतहूँ बिपत्ती रही हँय, मखमल के सुद्ध अउर चमकँइ बाले ओन्हा पहिरे, अउर छाती के ऊपर सोने के पट्टिन काहीं बाँधे मन्दिर से निकरें।

दरसनन के बातँय 2:1

इफिसुस के मसीही मन्डली के दूत काहीं इआ लिखा, कि “जउन सातँव तरइया अपने दहिने हाँथ माहीं लए हें, अउर सोने के सातँव दीबटन के बीच माहीं चलत फिरत हें, ऊँ इआ कहत हें, कि