दरसनन के बातँय 1:12 - Bagheli Bible

¹² तब हम उनहीं देखँइ के खातिर जउन हमसे बोलत रहे हँय; आपन मुँह फेरन; अउर पीछे फिरिके हम सोने के सातठे दीबटन काहीं देखन।

दरसनन के बातँय 1:12 ပူးပေါင်းရင်းမြစ်များ

दरसनन के बातँय 1:13

अउर उन दीबटन के बीच माहीं मनई के लड़िका कि नाईं एकठे मंसेरुआ काहीं देखेन, जउन गोड़ेन तक के ओन्हा पहिरे, अउर छाती माहीं सोने के पट्टा बाँधे रहे हँय।

दरसनन के बातँय 1:19

एसे जउन बातँय तूँ देखे हया, अउर जउन बातँय होइ रही हँय; अउर जउन बाद माहीं होंइ बाली हईं, ऊँ सगलिन काहीं लिख ल्या।

दरसनन के बातँय 1:20

अउर ऊँ सातव तरइअन के भेद, जिनहीं तूँ हमरे दहिने हाँथ माहीं देख रहे हया, अउर ऊँ सातव सोने के दीबटन के भेद, ऊँ सातठे तरइया, सातव मसीही मन्डलिन के दूत आहीं, अउर ऊँ सातव दीबट, सातठे मसीही मन्डली आहीं।”

दरसनन के बातँय 2:1

इफिसुस के मसीही मन्डली के दूत काहीं इआ लिखा, कि “जउन सातँव तरइया अपने दहिने हाँथ माहीं लए हें, अउर सोने के सातँव दीबटन के बीच माहीं चलत फिरत हें, ऊँ इआ कहत हें, कि

दरसनन के बातँय 4:1

ईं बातन के बाद, जब हम नजर उठाइके देखेन, त का देखित हएन, कि स्वरग माहीं एकठे दुअरा खुला हय; अउर जेही हम पहिले तुरही कि नाईं अबाज से, अपने साथ बातँय करत सुने रहेन हय, उँइन कहत हें, कि “इहाँ ऊपर आय जा, अउर हम ऊँ बातँय तोंहईं देखाउब, जिनखर ईं बातन के बाद पूर होब जरूरी हय।”