दरसनन के बातँय 1:10 - Bagheli Bible

¹⁰ हम प्रभू के दिन आत्मा माहीं आय गएन, अउर अपने पीछे तुरही कि नाईं बड़ा बोल इआ कहत सुनेन,

दरसनन के बातँय 1:10 ပူးပေါင်းရင်းမြစ်များ

मत्ती 22:43

तब यीसु उनसे पूँछिन, “त फेर राजा दाऊद पबित्र आत्मा के अँगुआई से, उनहीं प्रभू कहिके, इआ काहे कहत हें, कि

यूहन्ना 20:19

उहय दिना हप्ता के पहिल दिन अइतबार रहा हय, साँझिके चेला लोग यहूदी धारमिक अँगुअन के डेरन के मारे केमरा बंद कइके एकट्ठा बइठ रहे हँय, तब यीसु आएँ, अउर उनखे बीच माहीं ठाढ़ होइके कहिन, “तोंहईं पंचन काहीं सान्ती मिलय।”

यूहन्ना 20:26

आठ दिना के बाद यीसु के चेला लोग, पुनि घर के भीतर रहे हँय, अउर थोमा घलाय उनखे साथ माहीं रहे हँय, अउर दुअरा के केमरा बंद रहे हँय, तब यीसु आएँ, अउर बीच माहीं ठाढ़ होइके कहिन, “तोंहईं पंचन काहीं सान्ति मिलय।”

खास चेलन 20:7

हप्ता के पहिलय दिना जब हम पंचे रोटी टोरँइ के खातिर एकट्ठा भएन, त पवलुस जउन दुसरे दिना चले जाँय बाले रहे हँय, उनसे बात करँइ लागें, अउर आधी रात तक बात करत रहिगें।

1 कुरिन्थियन 12:3

एसे हम तोहईं पंचन काहीं इआ चेतउनी देइत हएन, कि जे कोऊ पबित्र आत्मा के अँगुआई से बोलत हय, त उआ यीसु काहीं इआ नहीं कहय, कि ऊँ स्रापित हें, उहयमेर पबित्र आत्मा के अँगुआई बिना, कउनव मनई इआ नहीं कहि सकय, कि यीसु मसीह प्रभू आहीं।

1 कुरिन्थियन 16:2

अउर हप्ता के पहिल दिन, तोंहरे पंचन म से हरेक जन अपने-अपने कमाई के मुताबिक, अपने लघे कुछ पइसा बचाइके रक्खा करय, कि जउने जब हम तोंहरे लघे अई, तब दान एकट्ठा न करँइ परय।

दरसनन के बातँय 17:3

त ऊँ हमहीं पबित्र आत्मा माहीं, सुनसान जघा माहीं लइगें, अउर हम लाल रंग के खतरनाक जानबर के ऊपर, जउन परमातिमा के बुराई के सब्दन से भरा रहा हय, अउर जेखे सातठे मूँड़ अउर दसठे सींग रही हँय, एकठे मेहेरिआ काहीं बइठे देखेन।

दरसनन के बातँय 21:10

तब ऊँ हमहीं पबित्र आत्मा माहीं, एकठे बड़े अउर ऊँच पहार के ऊपर लइगें, अउर पबित्र सहर यरूसलेम काहीं, स्वरग से परमातिमा के लघे से उतरत देखाइन।