फिलिप्पियन 2:4 - Bagheli Bible

⁴ तोंहरे पंचन म से सगले जनेन काहीं इआ चाही, कि ऊँ केबल अपनय भर नहीं, बलकिन दुसरेव के हित के घलाय ध्यान रक्खँय।

फिलिप्पियन 2:4 ပူးပေါင်းရင်းမြစ်များ

मत्ती 18:6

जे कोऊ हमरे ऊपर बिसुआस करँइ बालेन काहीं, चाह उआ छोट क लड़िकय होय, उनसे पाप कराबत हय, त उआ मनई के खातिर इआ ठीक कहाई, कि एकठे बड़ी काहीं चक्की के जेतबा ओखे गरे माहीं बाँधिके गहिल समुद्र माहीं बुड़ाय दीन जाय। काहेकि परमातिमा के सजा एहू से जादा मिली।

रोमियन 12:15

अउर जे आनन्द मनाबत हें, त तुहूँ पंचे उनखे साथ आनन्द मनाबा; अउर जे दुखी होंय, त उनखे साथ तुहूँ पंचे दुख मनाबा।

रोमियन 15:1

एसे हमहीं पंचन काहीं, जउन बिसुआस माहीं मजबूत हएन, इआ चाही, कि जउन हमार पंचन के बिसुआसी भाई-बहिनी बिसुआस माहीं कमजोर हें, त उनखे कमजोरिन काहीं सही; इआ नहीं, कि अपने-आप काहीं खुसी करँइ भर माहीं लगे रही।

1 कुरिन्थियन 10:24

अउर हरेक मनई काहीं खुद के भलाई के बारे माहीं भर नहीं, बलकिन दुसरे मनइन के भलाई के बारे माहीं घलाय सोचँइ क चाही।

2 कुरिन्थियन 11:29

अउर जब कोऊ निबल होत हय, त का हमहूँ निबल नहीं होई? अउर जब कोऊ पाप माहीं फँसि जात हय, त का हमार जिव दुखी नहीं होय?

2 कुरिन्थियन 6:3

काहेकि हम पंचे हरेक बातन माही, इआ ध्यान रक्खित हएन, कि कोहू काहीं हमरे पंचन के ऊपर दोस लगामँइ के मोका न मिलय। जउने हमरे पंचन के सेबा माहीं कउनव कलंक न लागय।

फिलिप्पियन 2:21

काहेकि सगले मनई अपने-अपने सोरथ के कामन काहीं ढूँढ़ँइ माहीं लगे रहत हें, अउर यीसु मसीह के कामन काहीं नहीं करँय।

याकूब 2:8

तऊ अगर तूँ पंचे पबित्र सास्त्र के इआ बचन के मुताबिक, कि “तूँ अपने परोसी से उहयमेर प्रेम करा, जउनमेर तूँ अपने-आप से करते हया” त सही-सही उआ राज के बिधान काहीं पूर करते हया, त निकहय करते हया।