फिलिप्पियन 1:13 - Bagheli Bible

¹³ इहाँ तक कि कैसर के राज के सगली सेना, अउर उनखे अलाबा सगले मनई इआ जानिगें हँय, कि हम मसीह के ऊपर बिसुआस किहे के कारन जेल माहीं हएन।

फिलिप्पियन 1:13 ပူးပေါင်းရင်းမြစ်များ

खास चेलन 26:29

तब पवलुस कहिन, “परमातिमा से हमार प्राथना इआ हय, कि का थोर माहीं, का बहुत माहीं, केबल अपनय भर नहीं, बलकिन जेतने जने आज हमरे बातन काहीं सुनत हें, ईं बन्धनन से अजाद होइके, ऊँ पंचे हमरे कि नाईं होइ जाँय।”

खास चेलन 26:31

अउर अलग जाइके आपस माहीं कहँइ लागें, “इआ मनई अइसा त कुछू नहीं करय, जउन मउत के सजा अउर जेल माहीं बन्द करँइ के काबिल होय।”

खास चेलन 28:17

तीन दिना के बाद, पवलुस यहूदी जाति के मुख्य मनइन काहीं बोलबाइन, अउर जब ऊँ पंचे एकट्ठा भें, तब उनसे कहिन, “हे भाइव हम अपने जाति बालेन, इआ कि बाप-दादन के रीति-रिबाजन के खिलाफ कुछू काम नहीं किहेन, तऊ बन्दी बनाइके यरूसलेम सहर से रोम देस के रहँइ बालेन के हाँथे सँउपे गएन।

खास चेलन 28:20

बलकिन एसे हम अपना पंचन काहीं बोलायन हय, कि अपना पंचन से मिली अउर बातचीत करी; काहेकि इजराइल के मनई जउने मसीहा के आमँइ के आसा कए रहे हँय, उहय मसीह के कारन हम इआ जंजीर माहीं बँधे हएन।

खास चेलन 28:30

अउर उहाँ पवलुस दुइ बरिस तक अपने किराया के घर माहीं रहें।

इफीसियन 3:1

तूँ पंचे जउन गैरयहूदी आह्या, तोंहरे बीच माहीं हम मसीह यीसु के सेबा करित हएन, एसे हमहीं जेल माहीं डार दीन ग हय।

इफीसियन 4:1

हम पवलुस प्रभू के सेबक होंइ के कारन जउन बन्दी बने हएन, तोंहसे बिनती करित हएन, कि जउने उद्देस्य से परमातिमा तोंहईं बोलाइन हीं, ओहिन के काबिल तोंहार चाल-चलन होय।

इफीसियन 6:20

अउर इहव प्राथना करा, कि हम खुसी के खबर के बारे माहीं जइसन हमहीं बोलँय चाही, उहयमेर साहस के साथ बोलि सकी।

फिलिप्पियन 1:30

अउर खुसी के खबर के खातिर जइसन मेहनत करत हमहीं तूँ पंचे देखे हया, उहयमेर तुहूँ पंचे करा, अउर अबहिनव तूँ पंचे सुनते हया, कि हम उहयमेर मेहनत करित हएन।

फिलिप्पियन 1:7

तोंहरे बारे माहीं हमहीं अइसा सोचब उचित हय, काहेकि तूँ पंचे हमरे हिरदँय माहीं बसे हया। अउर हम जेल माहीं हएन, तऊ खुसी के खबर के खातिर मनइन काहीं जबाब देंइ माहीं, अउर अपने जीबन के व्दारा गबाही देंइ माहीं, परमातिमा हमरे ऊपर बड़ी दया कइके हमार मदत किहिन हीं, अउर ऊँ सगले कामन काहीं करँइ माहीं तूँ पंचे हमरे साथ सामिल हया।

फिलिप्पियन 4:22

अउर सगले पबित्र मनई खास करके जउन महाराजा कैसर के घराना के हें, तोंहईं पंचन काहीं नबस्कार कहत हें।

2 तीमुथियुस 2:9

खुसी के खबर के खातिर हम अपराधी कि नाईं दुख उठाइत हएन, इहाँ तक कि हम जेल माहीं घलाय बंद हएन; पय तूँ इआ जानिल्या, कि परमातिमा के बचन काहीं फइलँय से कोऊ नहीं रोंक सकय।