यूहन्ना 9:3 - Bagheli Bible

³ यीसु जबाब दिहिन, “न त इआ मनई पाप किहिस, अउर न एखर बाप-महतारी: बलकिन इआ एसे आँधर पइदा भ, कि एही नीक कइके परमातिमा के सक्ती देखाई जाय सकय।

यूहन्ना 9:3 ပူးပေါင်းရင်းမြစ်များ

मत्ती 11:5

कि “आँधर देखत हें, लाँगड़ चलँइ लागत हें, कोढ़ी सुद्ध कीन जात हें, बहिर सुनँय लागत हें, मुरदा जिआए जात हें; अउर कंगालन काहीं खुसी के खबर सुनाई जात ही।

यूहन्ना 11:4

यीसु सँदेस सुनिके कहिन, “इआ बिमारी मउत के न होय, बलकिन परमातिमा के बड़ाई होंय के खातिर आय, जउने एखे व्दारा परमातिमा के लड़िका के बड़ाई होय।”

यूहन्ना 11:40

तब यीसु उनसे कहिन, “का हम तोंहसे नहीं कहेन तय, कि अगर तूँ बिसुआस करिहा, त परमातिमा के महिमा काहीं देखिहा।”

खास चेलन 28:4

जब उहाँ के रहँइ बाले साँप काहीं पवलुस के हाँथे माहीं लपिटे देखिन, त आपस माहीं कहँइ लागें; “सही माहीं इआ मनई कतली हय, काहेकि इआ समुद्र से त बचिगा, तऊ न्याय एही जिन्दा नहीं रहँइ दिहिस।”

खास चेलन 4:21

तब ऊँ पंचे उनहीं अउर डेरबाय धमकायके छोंड़ दिहिन, काहेकि खुब मनइन के कारन उनहीं सजा देंइ के मोका नहीं मिला, एसे कि जउन घटना भे रही हय, ओखे कारन सगले मनई परमातिमा के बड़ाई करत रहे हँय।

1 यूहन्ना 4:16

अउर जउन प्रेम परमातिमा हमसे पंचन से किहिन हीं, ओही हम पंचे जान गएन हय, अउर हमहीं पंचन काहीं बिसुआस हय, कि परमातिमा प्रेम आहीं। जउन मनई प्रेम माहीं बना रहत हय, उआ परमातिमा माहीं बना रहत हय; अउर परमातिमा ओखे जीबन माहीं बने रहत हें।

1 यूहन्ना 4:9

जउन प्रेम परमातिमा हमसे पंचन से करत हें, इआमेर से देखाइन हीं, कि ऊँ अपने एकलउता लड़िका काहीं इआ संसार माहीं पठइन हीं, कि जउने हम पंचे उनखे द्वारा अनन्त जीबन पाई।