यूहन्ना 8:3 - Bagheli Bible

³ उहय समय मूसा के बिधान सिखामँइ बाले अउर फरीसी लोग एकठे मेहेरिआ काहीं, यीसु के लघे लइ आएँ, जउन ब्यभिचार करत पकड़ी गे रही हय, ओही बीच माहीं ठाढ़ कइके यीसु से कहिन।

यूहन्ना 8:3 ပူးပေါင်းရင်းမြစ်များ

मत्ती 2:4

तब राजा हेरोदेस यहूदी समाज के प्रधान याजकन अउर मूसा के बिधान सिखामँइ बालेन काहीं एकट्ठा कइके उनसे पूँछिन, कि “मसीह के जनम कहाँ होंइ चाही?”

यूहन्ना 8:2

अउर यीसु बड़े सकारे पुनि मन्दिर माहीं आएँ, तब सगले मनई उनखे लघे आइगें; अउर यीसु बइठिके उनहीं उपदेस देंइ लागें।

यूहन्ना 8:4

“हे गुरू, इआ मेहेरिआ ब्यभिचार करत पकड़ी गे ही।

यूहन्ना 8:9

पय ऊँ पंचे इआ बात काहीं सुनिके, बड़े से लइके छोट तक एक-एक कइके सगले जन चलेगें, अउर उहाँ यीसु अकेले बचे, अउर उआ मेहेरिआ उहँय बीच माहीं ठाढ़ रहिगे।

यूहन्ना 9:13

तब ऊँ पंचे उआ मनई काहीं जउन पहिले आँधर रहा हय, फरीसी लोगन के लघे लइगें।

खास चेलन 4:7

अउर पतरस अउर यूहन्ना काहीं बीच म ठाढ़ कइके पूछँइ लागें, कि तूँ पंचे इआ काम कउने सामर्थ से, अउर कउने नाम से किहा हय?

रोमियन 7:3

पय अगर उआ अपने मंसेरुआ के जिन्दय दुसरे मंसेरुआ के रहि जाय, त उआ दुसरे मंसेरुआ से ब्यभिचार करँइ बाली कहाई, पय अगर ओखर मंसेरुआ मर जात हय, त उआ काजे के नेमन के बन्धन से मुक्त होइ जात ही, इहाँ तक कि अगर उआ कउनव दुसरे मंसेरुआ के रहि जात ही, तऊ उआ दुसरे मंसेरुआ के साथ ब्यभिचार करँइ बाली न कहाई।