यूहन्ना 8:2 - Bagheli Bible

² अउर यीसु बड़े सकारे पुनि मन्दिर माहीं आएँ, तब सगले मनई उनखे लघे आइगें; अउर यीसु बइठिके उनहीं उपदेस देंइ लागें।

यूहन्ना 8:2 ပူးပေါင်းရင်းမြစ်များ

मत्ती 26:55

अउर उहय समय यीसु भीड़ के मनइन से कहिन, कि “का तूँ पंचे तलबारन अउर लाठिन काहीं लइके, डाँकू कि नाईं हमहीं पकड़ँइ आया हय? हम त रोजय मन्दिर माहीं बइठिके उपदेस देत रहे हएन, तब तूँ पंचे हमहीं गिरफतार नहीं किहा।

लूका 21:37

यीसु दिन माहीं यहूदी मन्दिर माहीं जाइके उपदेस देत रहे हँय, अउर रात माहीं सगलेन से अलग जाइके जैतून नाम के पहार माहीं रहत रहे हँय;

लूका 21:38

अउर भिनसरहय यीसु मन्दिर माहीं आय जात रहे हँय, तब खुब मनई उनखे बातन काहीं सुनँय के खातिर मन्दिर के अँगना माहीं उनखे लघे आबत रहे हँय।

लूका 4:20

तब यीसु इआ पढ़िके किताब बंद कइके सेबक के हाँथे माहीं दइ दिहिन, अउर बइठिगें; तब यहूदी सभाघर माहीं बइठ सगले मनइन के ध्यान उनखे कइती लगा रहा हय।

लूका 5:3

उँइ नावन म से एकठे जउन समौन के रही हय, ओहिन माहीं यीसु चढ़िके, समौन से बिनती किहिन, कि नाव काहीं थोर क किनारे से हटाय लइ चला। तब यीसु नाव माहीं बइठिके सगले भीड़ के मनइन काहीं उपदेस देंइ लागें।

यूहन्ना 4:34

यीसु उनसे कहिन, “हमार खाना इआ आय, कि हम अपने पठमँइ बाले के मरजी के मुताबिक चली, अउर उनखर काम पूर करी।

यूहन्ना 8:20

ईं बातन काहीं यीसु मन्दिर माहीं उपदेस देत समय भन्डार घर माहीं कहिन तय, अउर कोऊ उनहीं पकड़ नहीं सकें; काहेकि पकड़े जाँइ, अउर मारे जाँइ के उनखर समय अबे नहीं आबा रहा आय।

यूहन्ना 8:3

उहय समय मूसा के बिधान सिखामँइ बाले अउर फरीसी लोग एकठे मेहेरिआ काहीं, यीसु के लघे लइ आएँ, जउन ब्यभिचार करत पकड़ी गे रही हय, ओही बीच माहीं ठाढ़ कइके यीसु से कहिन।

खास चेलन 5:21

ऊँ पंचे इआ सुनिके भिनसार होतय, मन्दिर माहीं जाइके उपदेस देंइ लागें, पय महायाजक अउर उनखर साथी आइके महासभा के सगले मनइन काहीं, अउर इजराइलिअन के सगले धारमिक अँगुअन काहीं, एकट्ठा किहिन, अउर जेल माहीं कहबाय पठइन, कि उनहीं लइ आमँय।