यूहन्ना 7:7 - Bagheli Bible

⁷ संसार के मनई तोंहसे दुसमनी नहीं कइ सकँय, पय हमसे दुसमनी करत हें, काहेकि हम उनखे बिरोध माहीं, इआ गबाही देइत हएन, कि उनखर काम बुरे हें।

यूहन्ना 7:7 ပူးပေါင်းရင်းမြစ်များ

लूका 6:26

“हाय तोंहरे ऊपर जब संसार के मनई तोंहईं भला कहँय, काहेकि उनखर बाप-दादा, परमातिमा के लबरी सँदेस बतामँइ बालेन के साथव, अइसय करत रहे हँय।”

यूहन्ना 17:14

हम अपना के बचन काहीं उनहीं बताय दिहेन हय, अउर ऊँ पंचे अपना के बचन काहीं अपनाय लिहिन हीं, एसे संसार के मनई उनसे दुसमनी करत हें, काहेकि जइसन हम इआ संसार के न होंहेन, उहयमेर ऊँ पंचे इआ संसार के न होहीं।

यूहन्ना 3:19

अउर उनहीं सजा देंइ के कारन इआ हय, कि परमातिमा के लड़िका जोति के रूप माहीं संसार माहीं आएँ हँय, अउर संसार के मनई पाप रूपी अँधिआर काहीं, जोति से जादा पियार जानिन, काहेकि उनखर काम बुरे रहे हँय।

रोमियन 8:7

काहेकि जउन मनई मन के बुरी इच्छन माहीं मन लगाबत हय, उआ परमातिमा से दुसमनी रक्खत हय, काहेकि उआ मनई न त परमातिमा के बिधान के अधीन आय, अउर न होइन सकय।

गलातियन 4:16

त तूँ पंचे इआ बताबा, कि तोंहसे सही बोलँय के कारन, का हम तोंहार पंचन के बइरी बन गएन हय?

याकूब 4:4

हे ब्यभिचार करँइ बालिव! काहे तूँ पंचे नहीं जनते आह्या, कि संसार से दोस्ती करब, परमातिमा से दुसमनी करब आय? एसे जे कोऊ संसार के दोस्त होंइ चाहत हय, उआ अपने-आप काहीं परमातिमा के बइरी बनाबत हय।

1 यूहन्ना 4:5

ऊँ मसीह के बिरोधी मनई संसारिक जीबन जिअत हें, इआ कारन से ऊँ पंचे संसारिक बात बोलत हें, अउर संसार के मनई उनखर बात सुनत हें।