यूहन्ना 5:9 - Bagheli Bible

⁹ उआ बिमार मनई हरबिन नीक होइगा, अउर आपन खटिया उठाइके चलँय-फिरँय लाग।

यूहन्ना 5:9 ပူးပေါင်းရင်းမြစ်များ

मरकुस 1:31

तब यीसु समौन के सास के लघे जाइके उनखर हाँथ पकड़िके उठाइन; तबहिनय उनखर बोखार उतरि गे, अउर ऊँ उनखर सेबा-सहाई करँइ लागीं।

मरकुस 1:42

अउर हरबिन ओखर कोढ़ के बिमारी नीक होंइ लाग, अउर उआ सुद्ध होइगा।

मरकुस 10:52

यीसु उआ आँधर मनई से कहिन, “चले जा, तोंहार बिसुआस तोंहईं नीक किहिस ही।” अउर उआ आँधर मनई हरबिन देखँइ लाग, अउर गइल माहीं यीसु के पीछे-पीछे चलँइ लाग।

मरकुस 5:29

अउर छूतय ओखर खून बहब बन्द होइगा, अउर उआ अपने देंह माहीं जान लिहिस, कि हम उआ बिमारी से नीक होइ गएन हय।

यूहन्ना 5:14

एखे बाद यीसु उआ मनई काहीं मन्दिर माहीं देखिन, तब ओसे कहिन, “देखा, अब तूँ नीक होइ गया हय; पुनि दुबारा पाप न किहा, कहँव अइसा न होय, कि इआ बिमारिव से भारी कउनव बिपत्ती तोंहरे ऊपर आय परय।”

यूहन्ना 7:23

पबित्र दिन काहीं एसे खतना कीन जात हय, कि कहँव मूसा के बिधान के नेम टूट न जाय। त तूँ पंचे हमरे ऊपर क्रोध काहे करते हया, एसे कि जउन हम पबित्र दिन काहीं एकठे मनई काहीं, पूरी तरह से नीक कइ दिहेन हय।

यूहन्ना 9:14

जउने दिना यीसु माटी सानिके उआ मनई के आँखी माहीं लगाइके नीक किहिन तय, उआ दिना पबित्र दिन रहा हय।