यूहन्ना 4:1 - Bagheli Bible

¹ एखे बाद जब यीसु काहीं पता चला, कि फरीसी लोग सुनिन हीं, कि यीसु यूहन्ना बपतिस्मा देंइ बाले से जादा चेला बनाबत हें, अउर उनहीं बपतिस्मा देत हें।

यूहन्ना 4:1 ပူးပေါင်းရင်းမြစ်များ

लूका 1:76

अउर हे बालक, तूँ परमप्रधान परमातिमा के सँदेस बतामँइ बाले कहइहा, काहेकि तूँ प्रभू के आमँइ से पहिले उनखे खातिर मनइन काहीं तइआर करिहा।

लूका 19:31

अगर तोंहसे कोऊ पूँछय, कि ओही काहे छोरते हया, त इआ कहि दिहा, कि प्रभू काहीं एखर जरूरत ही।”

लूका 19:34

तब चेला लोग कहिन, “प्रभू काहीं एखर जरूरत ही।”

लूका 2:11

काहेकि आज दाऊद के सहर माहीं तोंहरे खातिर मुक्ती देंइ बाले जनम लिहिन हीं, अउर ईंन मसीह प्रभू आहीं।

लूका 7:13

उआ बिधबा मेहेरिआ काहीं देखिके, प्रभू काहीं दया आइगे, अउर यीसु कहिन, “न रोबा”,

लूका 7:19

तब यूहन्ना बपतिस्मा देंइ बाले अपने चेलन म से दुइ जनेन काहीं बोलाइके, प्रभू के लघे इआ पूँछँइ के खातिर पठइन, कि “का आमँइ बाले मसीह अपनय आहेन, कि हम पंचे अउर दुसरे के इन्तजार करी?”

यूहन्ना 3:22

एखे बाद यीसु अपने चेलन के साथ यहूदिया प्रदेस माहीं यहूदी लोगन के लघे आएँ; अउर ऊँ उहाँ उनखे साथय माहीं रहिके बपतिस्मा देंइ लागें।

यूहन्ना 3:26

अउर ऊँ पंचे यूहन्ना के लघे आइके उनसे कहिन, “हे गुरू, जउन मनई यरदन नदी के उआ पार अपना के साथ रहे हँय, अउर जेखे बारे माहीं अपना बताए रहेन हय, देखी ऊँ बपतिस्मा देत हें, अउर खुब जने उनखे लघे आबत हें।”

खास चेलन 10:36

जउन बचन परमातिमा इजराइलिअन के लघे पठइन, जबकि ऊँ यीसु मसीह के द्वारा (जउन सगले मनइन के प्रभू आहीं) सान्ति के खुसी के खबर सुनाइन।

1 कुरिन्थियन 1:17

काहेकि मसीह हमहीं बपतिस्मा देंइ के खातिर नहीं, बलकिन आपन खुसी के खबर सुनामँइ के खातिर पठइन हीं, अउर अगर हम मनइन के ग्यान के मुताबिक चतुराई से, उआ खुसी के खबर सुनाउब, त कहँव अइसा न होय, कि मसीह के क्रूस माहीं बलिदान होंइ के खुसी के खबर बेकार होइ जाय।

1 कुरिन्थियन 15:47

अउर पहिल मनई अरथात आदम काहीं माटी से बनाबा ग रहा हय; पय दूसर मनई अरथात यीसु मसीह स्वरग से आए हें।

1 कुरिन्थियन 2:8

अउर उआ योजना काहीं, इआ संसार के अधिकारिन म से कोऊ नहीं जाने पाइन, काहेकि अगर ऊँ पंचे जनतें, त महिमावान प्रभू काहीं क्रूस माहीं न चढ़उतें।

2 कुरिन्थियन 4:5

हम पंचे आपन प्रचार नहीं करी, बलकिन यीसु मसीह के प्रचार करित हएन, कि उँइन प्रभू आहीं, अउर हम पंचे अपने बारे माहीं त इहय कहित हएन, कि हम पंचे यीसु मसीह के कारन तोंहार पंचन के सेबक आहेन।

याकूब 2:1

हे हमार भाई-बहिनिव, हमरे महिमावान प्रभू यीसु मसीह माहीं जउन तोंहार बिसुआस हय, उआ बिना पच्छपात के होय।

दरसनन के बातँय 19:16

उनखे ओन्हा अउर जाँघ के ऊपर, इआ नाम लिखा हय, “राजन के राजा अउर प्रभुअन के प्रभू।”