यूहन्ना 3:3 - Bagheli Bible

³ यीसु उनहीं जबाब दिहिन, “हम तोंहसे सही-सही कहित हएन, अगर कउनव मनई नबा जनम न लेई, त उआ परमातिमा के राज काहीं नहीं देख सकय।”

यूहन्ना 3:3 ပူးပေါင်းရင်းမြစ်များ

मत्ती 16:17

इआ सुनिके यीसु पतरस से कहिन, “हे समौन, योना के लड़िका, तूँ धन्य हया; काहेकि तोहईं इआ बात कउनव मनई नहीं, बलकिन हमार पिता जउन स्वरग माहीं हें, बताइन हीं।

मत्ती 19:24

अउर इहय बात हम तोंहसे पुनि कहित हएन, कि “परमातिमा के राज माहीं धनी मनई के पहुँचब खुब कठिन हय, बलकिन सूजी के छेंद से ऊँट के निकर जाब, एसे सरल हय।”

मत्ती 21:31

बताबा, एखे बारे माहीं तूँ पंचे का सोचते हया? ईं दोनव जनेन म से, कउन बाप के इच्छा पूर किहिस?” ऊँ पंचे कहिन, कि “बड़ा बाला लड़िका।” तब यीसु उनसे कहिन, कि “हम तोंहसे सही-सही कहित हएन, कि चुंगी लेंइ बाले अउर बेस्या लोग जिनसे तूँ पंचे नफरत करते हया, परमातिमा के राज माहीं तोंहसे पहिले जइहँय।

मत्ती 5:18

काहेकि हम तोंहसे पंचन से सही कहित हएन, कि जब तक अकास अउर धरती टर न जइहँय, तब तक मूसा के बिधान के बातन से एकठे पाई अउर बिन्दी बिना पूर होए न रही।

मरकुस 10:14

यीसु इआ देखिके, गुस्साइके अपने चेलन से कहिन, “छोट लड़िकन काहीं हमरे लघे आमँइ द्या, अउर उनहीं न बरजा, काहेकि जे कोऊ छोट लड़िकन कि नाईं अपने काहीं नम्र बनइहँय, उँइन परमातिमा के राज के भागीदार बनिहँय।

मरकुस 9:47

अउर अगर तोंहार आँखी तोंहसे पाप करामँइ के कारन बनत ही, त ओही निकारिके फेंकि द्या; नहीं त दुइठे आँखी लए नरक के आगी माहीं डार दीन जइहा। कनमा होइके परमातिमा के राज माहीं जाब तोंहरे खातिर एसे निकहा हय।”

यूहन्ना 1:13

परमातिमा के सन्तान के रूप माहीं, ऊँ पंचे संसारिक रूप से, न त खून से पइदा भें, अउर न त मनइन के इच्छा से, अउर न महतारी-बाप के योजना से, बलकिन ऊँ पंचे परमातिमा से पइदा भे हँय।

यूहन्ना 1:5

अउर जोति अँधिआर माहीं चमकत ही; पय अँधिआर ओही सोइकार नहीं किहिस।

यूहन्ना 1:51

पुनि यीसु उनसे कहिन, कि “हम तोंहसे सही-सही कहित हएन, कि तूँ स्वरग काहीं खुला, अउर परमातिमा के स्वरगदूतन काहीं मनई के लड़िका के लघे उतरत अउर ऊपर जात देखिहा।”

यूहन्ना 12:40

कि “परमातिमा उनखे आँखिन काहीं आँधर कइ दिहिन हीं, अउर उनखे मन काहीं कठोर कइ दिहिन हीं; कहँव अइसा न होय, कि ऊँ पंचे आँखिन से देखँय अउर मन से समझँय, अउर हमरे कइती फिरँय, अउर हम उनहीं चंगा करी।”

यूहन्ना 3:4

तब नीकुदेमुस उनसे कहिन, “मनई जब बुढ़ाय जात हय, त उआ कइसन दुसराय जनम लइ सकत हय? का उआ अपने महतारी के पेटे माहीं जाइके दुसराय जनम लइ सकत हय?”

2 कुरिन्थियन 4:4

इआ संसार के मालिक सइतान, ईं अबिसुआसी मनइन के बुद्धी काहीं भ्रस्ट कइ दिहिस ही, कि जउने ऊँ पंचे परमातिमा के साछात रूप, मसीह के महिमामय खुसी के खबर के उँजिआर काहीं न देखे पामँय।

2 कुरिन्थियन 5:17

एसे अगर कउनव मनई यीसु मसीह के ऊपर बिसुआस कइ लेत हय, त उआ नई रचना बन जात हय। अउर ओखे जीबन से पुरान बातँय चली जाती हईं, अउर ओखर नबा जीबन सुरू होइ जात हय।

गलातियन 6:15

एसे कोहू के खतना भ होय, चाह न भ होय एखर कउनव महत्व नहिं आय, महत्व केबल इआ बात के हय, कि हम पंचे पूरी तरह से नई स्रस्टी बन जई।

इफीसियन 2:1

एक समय रहा हय, जब तूँ पंचे यीसु मसीह के ऊपर बिसुआस नहीं करत रहे आह्या, तब तूँ पंचे खुब पाप करत रहे हया, अउर मरे मनई कि नाईं रहे हया, पय अब परमातिमा तोंहईं पंचन काहीं जिआइन हीं।

तीतुस 3:5

अउर हमहीं पंचन काहीं मुक्ती दिहिन; इआ हमरे पंचन के धारमिकता के कामन के मुताबिक नहीं भ, जउन हम पंचे किहेन रहा हय, बलकिन परमातिमा हमरे पंचन के ऊपर दया कइके। पबित्र आत्मा से हमरे पापन काहीं धोय दिहिन, अउर हमहीं पंचन काहीं नबा जनम, अउर नबा जीबन दिहिन हीं।

याकूब 3:17

पय जउन ग्यान परमातिमा के तरफ से आबत हय, उआ पहिले त पबित्र होत हय, अउर मिलनसार, कोमल अउर मीठ बोलँइ बाला अउर दयालू, अउर निकहे फर से लदा, अउर बिना पच्छपात के, अउर बिना कपट के होत हय।

1 पतरस 1:3

हमरे पंचन के प्रभू यीसु मसीह के पिता परमातिमा के धन्यबाद होय, जउन यीसु मसीह काहीं मरेन म से जिआइके, अपने बड़ी दया से हमहीं पंचन काहीं अनन्त जीबन पामँइ के खातिर, जउन जिअत आसा ही, ओखे खातिर नबा जनम दिहिन हीं।

1 यूहन्ना 2:29

अगर तूँ पंचे जनते हया, कि ऊँ धरमी हें, त इहव जनते हया, कि जे कोऊ धरम के काम करत हय, उआ परमातिमा के सन्तान आय।

1 यूहन्ना 3:9

जे कोऊ परमातिमा के सन्तान बनिगा हय, उआ पाप नहीं करत रहय, काहेकि परमातिमा के बीज ओखे जीबन माहीं बना रहत हय, अउर उआ पाप नहीं करत रहय, काहेकि उआ परमातिमा के सन्तान बन चुका हय।

1 यूहन्ना 5:1

जे कोऊ इआ बिसुआस करत हय, कि यीसुअय मसीह आहीं, त उआ परमातिमा के सन्तान बन जात हय, अउर जे कोऊ पिता परमातिमा से प्रेम करत हय, त उआ उनखे सन्तानन से घलाय प्रेम करत हय।

1 यूहन्ना 5:18

हम पंचे जानित हएन, कि जे कोऊ परमातिमा के सन्तान बन जात हय, उआ पाप नहीं करत रहय; पय परमातिमा के लड़िका, ओही बचाइके रक्खत हें, अउर उआ दुस्ट ओही छुए नहीं पाबय।

1 यूहन्ना 5:4

काहेकि जे कोऊ परमातिमा के सन्तान बन जात हय, उआ संसार के ऊपर जीत पाय लेत हय, अउर संसार के ऊपर जउने से हमहीं पंचन काहीं जीत मिलत ही, उआ आय हमार पंचन के बिसुआस।

दरसनन के बातँय 3:14

अउर लौदीकिया के मसीही मन्डली के दूत काहीं इआ लिखा, कि “जउन आमीन, अउर बिसुआस के काबिल, अउर सच्चे गबाह हें, अउर परमातिमा के स्रस्टी के मूल कारन आहीं, ऊँ इआ कहत हें, कि